മ​ല​യോ​ര ഹൈ​വേ പാ​ല​ക്കാ​ട് ജി​ല്ല​യി​ലെ ആ​ദ്യ റീ​ച്ച് നി​ർ​മാ​ണം ആ​രം​ഭി​ച്ചി​ല്ല

മ​ണ്ണാ​ര്‍ക്കാ​ട്: നി​ര്‍ദി​ഷ്ട മ​ല​യോ​ര ഹൈ​വേ​യു​ടെ പാ​ല​ക്കാ​ട് ജി​ല്ല​യി​ലെ ആ​ദ്യ​റീ​ച്ച് നി​ര്‍മാ​ണം ഇ​നി​യും തു​ട​ങ്ങി​യി​ല്ല. മൂ​ന്നു​മാ​സം കൊ​ണ്ട് നി​ര്‍മാ​ണ​പ്ര​വൃ​ത്തി​ക​ള്‍ ആ​രം​ഭി​ക്കാ​ന്‍ ക​ഴി​യു​മെ​ന്നാ​ണ് ന​വം​ബ​ര്‍ 17ന് ​അ​ല​ന​ല്ലൂ​രി​ല്‍ എ​ന്‍. ഷം​സു​ദ്ദീ​ന്‍ എം.​എ​ല്‍.​എ വി​ളി​ച്ചു​ചേ​ര്‍ത്ത യോ​ഗ​ത്തി​ല്‍ കേ​ര​ള റോ​ഡ് ഫ​ണ്ട് ബോ​ര്‍ഡ് അ​ധി​കൃ​ത​ര്‍ അ​റി​യി​ച്ചി​രു​ന്ന​ത്. പു​തു​ക്കി സ​മ​ര്‍പ്പി​ച്ച എ​സ്റ്റി​മേ​റ്റി​ന് സാ​ങ്കേ​തി​കാ​നു​മ​തി ല​ഭ്യ​മാ​കാ​ത്ത​താ​ണ് പ്ര​വൃ​ത്തി​ക​ള്‍ ആ​രം​ഭി​ക്കാ​നു​ള്ള കാ​ല​താ​മ​സ​ത്തി​ന് കാ​ര​ണ​മെ​ന്ന് അ​റി​യു​ന്നു.

ഇ​നി ലോ​ക്‌​സ​ഭ തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ട​ത്തി​ന്റെ സ​മ​യ​പ​രി​ധി അ​വ​സാ​നി​ച്ച് ജൂ​ണ്‍ 15നു​ശേ​ഷ​മേ കി​ഫ്ബി​യു​ടെ സാ​ങ്കേ​തി​ക അ​നു​മ​തി ക​മ്മി​റ്റി യോ​ഗം ചേ​രൂ എ​ന്നാ​ണ് വി​വ​രം. അ​നു​മ​തി ല​ഭ്യ​മാ​യാ​ലേ അ​ധി​കൃ​ത​ര്‍ക്ക് ടെ​ന്‍ഡ​ര്‍ ന​ട​പ​ടി​ക​ളി​ലേ​ക്ക് ക​ട​ക്കാ​നും സാ​ധി​ക്കൂ.91.4 കോ​ടി രൂ​പ​യാ​ണ് ആ​ദ്യ​ഘ​ട്ട നി​ര്‍മാ​ണ​ത്തി​നാ​യി ചെ​ല​വ് ക​ണ​ക്കാ​ക്കു​ന്ന​ത്.

ജി​ല്ല​യി​ല്‍ വി​വി​ധ മ​ല​യോ​ര മേ​ഖ​ല​ക​ളെ പ്ര​ധാ​ന​പാ​ത​ക​ളു​മാ​യി ബ​ന്ധി​പ്പി​ച്ചു​ള്ള മ​ല​യോ​ര ഹൈ​വേ പ​ദ്ധ​തി അ​ഞ്ച്​ റീ​ച്ചു​ക​ളി​ലാ​യി പൂ​ര്‍ത്തി​യാ​ക്കാ​നാ​ണ് ല​ക്ഷ്യം. 12 മീ​റ്റ​ര്‍ വീ​തി​യി​ല്‍ ആ​കെ 70 കി​ലോ മീ​റ്റ​റി​ലാ​ണ് മ​ല​യോ​ര​പാ​ത ജി​ല്ല​യി​ലൂ​ടെ ക​ട​ന്നു​പോ​വു​ക. മ​ല​പ്പു​റം ജി​ല്ല അ​തി​ര്‍ത്തി​യി​ല്‍നി​ന്ന്​ അ​ല​ന​ല്ലൂ​ര്‍ വ​ഴി കു​മ​രം​പു​ത്തൂ​ര്‍ ചു​ങ്ക​ത്ത് പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത​യി​ലെ​ത്തി​യാ​ണ് ആ​ദ്യ​റീ​ച്ച് അ​വ​സാ​നി​ക്കു​ക.

ഇ​വി​ടെ​നി​ന്ന് താ​ണാ​വ് വ​ഴി പാ​ല​ക്കാ​ട്-​തൃ​ശൂ​ര്‍ ഹൈ​വേ​യി​ലെ​ത്തും. തു​ട​ര്‍ന്ന് പാ​റ-​പൊ​ള്ളാ​ച്ചി റോ​ഡ് വ​ഴി ഗോ​പാ​ല​പു​ര​ത്തേ​ക്കും എ​ത്തി​ച്ചേ​രും. ഗോ​പാ​ല​പു​ര​ത്തു​നി​ന്ന്​ ക​ന്നി​മാ​രി മേ​ടു​വ​രെ​യാ​ണ് ര​ണ്ടാം റീ​ച്ച് നി​ര്‍മി​ക്കു​ക. ക​ന്നി​മാ​രി​മേ​ടി​ല്‍നി​ന്ന്​ നെ​ടു​മ​ണി വ​രെ മൂ​ന്നാം റീ​ച്ചും പ​ന​ങ്ങാ​ട്ടി​രി​യി​ല്‍നി​ന്ന് വി​ത്ത​ന​ശ്ശേ​രി വ​രെ നാ​ലാം റീ​ച്ചും നി​ര്‍മി​ക്കും. അ​യി​നം​പാ​ട​ത്തു​നി​ന്ന് വ​ട​ക്ക​ഞ്ചേ​രി ത​ങ്കം ജ​ങ്ഷ​ന്‍ വ​രെ​യാ​ണ് അ​ഞ്ചാം റീ​ച്ച്. മ​റ്റ് റീ​ച്ചു​ക​ളി​ലെ​ല്ലാം ഭൂ​മി വി​ട്ടു​കി​ട്ടേ​ണ്ട​തു​ണ്ട്. ഇ​തി​ന് അ​തി​ര്‍ത്തി നി​ര്‍ണ​യി​ക്കാ​നു​ള്ള സ​ര്‍വേ ന​ട​പ​ടി​ക​ളും ന​ട​ന്നു​വ​രു​ക​യാ​ണ്. മ​ണ്ണാ​ര്‍ക്കാ​ട് മേ​ഖ​ല​യി​ലെ 18.1 കി​ലോ​മീ​റ്റ​ര്‍ ദൂ​ര​മു​ള്ള ആ​ദ്യ​റീ​ച്ചി​ന്റെ സ​ര്‍വേ ന​ട​പ​ടി​ക​ളെ​ല്ലാം മാ​സ​ങ്ങ​ള്‍ക്ക് മു​മ്പ് പൂ​ര്‍ത്തി​യാ​യ​താ​ണ്. നി​ല​വി​ലെ കു​മ​രം​പു​ത്തൂ​ര്‍-​ഒ​ലി​പ്പു​ഴ സം​സ്ഥാ​ന​പാ​ത മ​ല​യോ​ര ഹൈ​വേ​യാ​കാ​ന്‍ ആ​വ​ശ്യ​മാ​യ വീ​തി​യു​ണ്ട്. ആ​ദ്യം സ​മ​ര്‍പ്പി​ച്ച വി​ശ​ദ പ​ദ്ധ​തി​രേ​ഖ​യി​ല്‍ ചി​ല​മാ​റ്റ​ങ്ങ​ള്‍ വ​രു​ത്തി​യാ​ണ് ര​ണ്ടാ​മ​തും സ​മ​ര്‍പ്പി​ച്ച​ത്. ര​ണ്ടു​മാ​സം മു​മ്പാ​ണ് ഇ​ത് സാ​ങ്കേ​തി​ക അ​നു​മ​തി​ക്കാ​യി സ​മ​ര്‍പ്പി​ച്ച​ത്. ടെ​ന്‍ഡ​ര്‍ ക​ഴി​ഞ്ഞ് ക​രാ​ര്‍ വെ​ച്ചാ​ല്‍ മാ​ത്ര​മേ പ​ദ്ധ​തി തു​ട​ങ്ങു​ന്ന​തും പൂ​ര്‍ത്തി​യാ​ക്കു​ന്ന​തു​മാ​യ കാ​ര്യ​ങ്ങ​ളി​ല്‍ വ്യ​ക്ത​ത​യു​ണ്ടാ​കൂ.