സ​ർ​ക്കാ​ർ ക്വാ​ർ​ട്ടേ​ഴ്സി​ൽ അ​ന​ധി​കൃ​ത​മാ​യി ഡോ​ക്ട​ർ​മാ​രു​ടെ സ്വ​കാ​ര്യ പ്രാ​ക്ടീ​സ്

ചി​റ്റൂ​ർ: താ​ലൂ​ക്ക് ആ​ശു​പ​ത്രി​യി​ൽ ജോ​ലി ചെ​യ്യു​ന്ന ഡോ​ക്ട​ർ​മാ​ർ സ​ർ​ക്കാ​ർ ക്വാ​ർ​ട്ടേ​ഴ്സ് ദു​രു​പ​യോ​ഗം ചെ​യ്ത് സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​താ​യി ആ​ക്ഷേ​പം. ചി​റ്റൂ​ർ താ​ലൂ​ക്ക് ആ​ശു​പ​ത്രി​യി​ലെ ചി​ല സ്പെ​ഷ​ലി​സ്റ്റ് ഡോ​ക്ട​ർ​മാ​രാ​ണ് സ​ർ​ക്കാ​ർ സം​വി​ധാ​നം ദു​രു​പ​യോ​ഗി​ച്ച് സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന​ത്. ആ​ശു​പ​ത്രി​യി​ലെ ചി​കി​ത്സ ഉ​ച്ച​ക്ക് ര​ണ്ട് മ​ണി​യോ​ടെ അ​വ​സാ​നി​പ്പി​ക്കു​ന്ന ഇ​വ​ർ പി​ന്നീ​ട് ആ​ശു​പ​ത്രി​ക്ക് തൊ​ട്ടു​മു​ന്നി​ൽ ത​ന്നെ​യു​ള്ള സ​ർ​ക്കാ​ർ ക്വാ​ർ​ട്ടേ​ഴ്സി​ൽ സ്വ​കാ​ര്യ ചി​കി​ത്സ ന​ട​ത്തു​ക​യാ​ണ്. ഉ​ച്ച​ക്കു​ശേ​ഷം വി​ദ​ഗ്ധ ചി​കി​ത്സ തേ​ടി​യെ​ത്തു​ന്ന രോ​ഗി​ക​ൾ ക്വാ​ർ​ട്ടേ​ഴ്സി​ലെ​ത്തി ഫീ​സ് ന​ൽ​കി ഡോ​ക്ട​ർ​മാ​രെ കാ​ണേ​ണ്ട അ​വ​സ്ഥ​യാ​ണ്.

മ​തി​യാ​യ സൗ​ക​ര്യ​ങ്ങ​ളു​ണ്ടാ​യി​ട്ടും താ​ലൂ​ക്കാ​ശു​പ​ത്രി​യി​ലെ ജീ​വ​ന​ക്കാ​രു​ടെ​യും ഡോ​ക്ട​ർ​മാ​രു​ടെ​യും ഉ​ത്ത​ര​വാ​ദി​ത്ത​മി​ല്ലാ​യ്മ രോ​ഗി​ക​ളെ വ​ല​ക്കു​ന്ന​ത് നി​ത്യ​സം​ഭ​വ​മാ​യി​രി​ക്കു​ക​യാ​ണ്. ഡ്യൂ​ട്ടി സ​മ​യ​ത്ത് ആ​ശു​പ​ത്രി​യി​ൽ പേ​രി​നു​മാ​ത്രം ചി​കി​ത്സ ന​ൽ​കു​ക​യും സ്വ​കാ​ര്യ പ്രാ​ക്ടീ​സി​ന് കൂ​ടു​ത​ൽ പ്രാ​മു​ഖ്യം ന​ൽ​കു​ക​യു​മാ​ണ് ചി​ല ഡോ​ക്ട​ർ​മാ​ർ. സ്വ​കാ​ര്യ ചി​കി​ത്സ ന​ട​ത്തു​ന്നി​ട​ത്തെ​ത്തി ‘കാ​ണേ​ണ്ട പോ​ലെ ക​ണ്ടാ​ലേ’ സ​ർ​ക്കാ​ർ ആ​ശു​പ​ത്രി​യി​ൽ മ​തി​യാ​യ പ​രി​ഗ​ണ​ന ല​ഭി​ക്കൂ​വെ​ന്ന സാ​ഹ​ച​ര്യ​മാ​ണെ​ന്ന് രോ​ഗി​ക​ൾ പ​റ​യു​ന്നു.

ഒ​രു മാ​സം മു​മ്പ് താ​ലൂ​ക്ക് ആ​ശു​പ​ത്രി​യി​ൽ പ്ര​സ​വ​ചി​കി​ത്സ​ക്കി​ടെ അ​മ്മ​യും കു​ഞ്ഞും മ​രി​ച്ചി​രു​ന്നു. ഗൈ​ന​ക്കോ​ള​ജി വി​ഭാ​ഗ​ത്തി​ലെ ഡോ​ക്ട​ർ ദ​മ്പ​തി​മാ​ർ​ക്കെ​തി​രെ ചി​കി​ത്സ പി​ഴ​വി​ന് കേ​സെ​ടു​ത്ത​തൊ​ഴി​ച്ചാ​ൽ മ​റ്റൊ​രു ന​ട​പ​ടി​യും ഉ​ണ്ടാ​യി​ല്ല.

ശി​ശു​രോ​ഗ വി​ദ​ഗ്ധ​നാ​യ ആ​ശു​പ​ത്രി സൂ​പ്ര​ണ്ട് ഉ​ൾ​പ്പെ​ടെ സ്വ​കാ​ര്യ ചി​കി​ത്സ​ക്കാ​ണ് പ്ര​ധാ​ന്യം ന​ൽ​കു​ന്ന​തെ​ന്നും പ​രാ​തി​യു​ണ്ട്. ആ​ശു​പ​ത്രി​ക്ക് മു​ന്നി​ൽ ത​ന്നെ​യു​ള്ള മെ​ഡി​ക്ക​ൽ ഷോ​പ്പു​ക​ളി​ലും ലാ​ബു​ക​ളി​ലു​മൊ​ക്കെ ബു​ക്കി​ങ് സൗ​ക​ര്യ​മൊ​രു​ക്കി​യാ​ണ് ഇ​വ​രു​ടെ പ്ര​വ​ർ​ത്ത​നം. രാ​വി​ലെ എ​ട്ടുമു​ത​ൽ ഉ​ച്ച​ക്ക് ര​ണ്ടു വ​രെ​യാ​ണ് ഒ​രു ഡോ​ക്ട​റു​ടെ ഡ്യൂ​ട്ടി സ​മ​യ​മെ​ന്നി​രി​ക്കെ പ​ല​രു​മെ​ത്തു​ന്ന​ത് 10 മ​ണി​ക്കും 11നു​മൊ​ക്കെ​യാ​ണ്. പ​ഞ്ചി​ങ് സം​വി​ധാ​ന​ങ്ങ​ൾ ഇ​ല്ലാ​ത്ത​തി​നാ​ൽ കാ​ര്യ​ങ്ങ​ളെ​ല്ലാം തോ​ന്നും​പ​ടി​യാ​ണെ​ന്നാ​ണ് രോ​ഗി​ക​ളു​ടെ ആ​ക്ഷേ​പം.