കാട്ടാനശല്യം; പരിഹാരമകലെ

ചെ​മ്മ​ണാ​മ്പ​തി: തെ​ന്മ​ല​യി​ൽ കാ​ട്ടാ​ന​ശ​ല്യം നി​യ​ന്ത്രി​ക്കാ​ൻ മ​തി​യാ​യ ഉ​ദ്യോ​ഗ​സ്ഥ​രി​ല്ലാ​തെ വ​ല​ഞ്ഞ് വ​നം​വ​കു​പ്പ്. കൊ​ല്ല​ങ്കോ​ട് റേ​ഞ്ച് പ​രി​ധി​യി​ലെ ഉ​ദ്യോ​ഗ​സ്ഥ​രെ മാ​ത്രം ഉ​പ​യോ​ഗ​പ്പെ​ടു​ത്തി​യാ​ണ് നി​ല​വി​ൽ ജ​ന​വാ​സ​മേ​ഖ​ല​യി​ൽ ഇ​റ​ങ്ങു​ന്ന കാ​ട്ടാ​ന​ക​ളെ തു​ര​ത്തു​ന്ന​ത്. ദ്രു​ത​ക​ർ​മ സേ​ന​യെ നി​യോ​ഗി​ക്കാ​ത്ത​ത് പ്ര​തി​സ​ന്ധി തീ​ർ​ക്കു​ന്നു​ണ്ട്. ഇ​രു​പ​തി​ല​ധി​കം കാ​ട്ടാ​ന​ക​ളാ​ണ് വെ​ള്ളാ​രം ക​ട​വ് മു​ത​ൽ ചെ​മ്മ​ണാ​മ്പ​തി വ​രെ​യു​ള്ള പ്ര​ദേ​ശ​ങ്ങ​ളി​ൽ മാ​ത്ര​മു​ള്ള​ത്. മൂ​ന്ന് മാ​സം മു​മ്പ് 24 കാ​ട്ടാ​ന​ക​ളാ​ണ് ഈ ​പ്ര​ദേ​ശ​ത്ത് എ​ത്തി​യി​രു​ന്ന​ത്. അ​പ്പോ​ൾ കൊ​ല്ല​ങ്കോ​ട്, നെ​ല്ലി​യാ​മ്പ​തി, ആ​ല​ത്തൂ​ർ തു​ട​ങ്ങി​യ റേ​ഞ്ചു​ക​ളി​ലെ 60 വ​നം ഉ​ദ്യോ​ഗ​സ്ഥ​രെ ഉ​ൾ​പ്പെ​ടു​ത്തി 48 മ​ണി​ക്കൂ​ർ പ​രി​ശ്ര​മം ന​ട​ത്തി​യാ​ണ് തേ​ക്കി​ൽ​ചി​റ, മാ​ത്തൂ​ർ പ്ര​ദേ​ശ​ത്തു​നി​ന്ന് ആ​ന​ക​ളെ ച​പ്പ​ക്കാ​ട് വ​ഴി ത​മി​ഴ്നാ​ട് അ​തി​ർ​ത്തി​ക്ക​പ്പു​റ​ത്തേ​ക്ക് ക​ട​ത്തി​വി​ട്ട​ത്. ചി​ല ആ​ന​ക​ൾ ദൗ​ത്യം ന​ട​ക്കു​ന്ന​തി​നി​ടെ തി​രി​ച്ചു​വ​രി​ക​യു​മു​ണ്ടാ​യി. മ​ഴ​യാ​യ​തി​നാ​ൽ പി​ന്നീ​ട് ദൗ​ത്യം നി​ർ​ത്തി​വെ​ച്ചു. സ​മാ​ന രീ​തി​യി​ൽ ദൗ​ത്യം ന​ട​ത്തി​യാ​ൽ മാ​ത്ര​മേ നി​ല​വി​ലെ 20 ആ​ന​ക​ളെ ച​പ്പ​ക്കാ​ട് ചെ​മ്മ​ണാ​മ്പ​തി മേ​ഖ​ല​യി​ൽ​നി​ന്ന് ഓ​ടി​ക്കാ​ൻ സാ​ധി​ക്കൂ എ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

ത​മി​ഴ്നാ​ട് അ​തി​ർ​ത്തി​യി​ൽ വ​ന​വു​മാ​യി പ​ങ്കി​ടു​ന്ന പ്ര​ദേ​ശ​ത്ത് സ്പ്രിം​ഗ് വൈ​ദ്യു​തി വേ​ലി വ​ള​രെ ഉ​യ​ര​ത്തി​ൽ സ്ഥാ​പി​ച്ചി​ട്ടു​ണ്ട്. ഇ​വി​ടെ 15 മീ​റ്റ​റി​ല​ധി​കം വീ​തി​യി​ൽ ഇ​രു​പു​റ​വു​മാ​യി മ​ര​ങ്ങ​ൾ മു​റി​ച്ചു​മാ​റ്റി വൈ​ദ്യു​ത വേ​ലി​യെ സം​ര​ക്ഷി​ക്കു​ന്നു. ഇ​താ​ണ് കാ​ട്ടാ​ന​ക​ൾ വ്യാ​പ​ക​മാ​യ രീ​തി​യി​ൽ ത​മി​ഴ്നാ​ട്ടി​ലെ തെ​ന്മ​ല​യോ​ര പ്ര​ദേ​ശ​ങ്ങ​ളി​ൽ അ​തി​ർ​ത്തി ക​ട​ന്ന് എ​ത്താ​തി​രി​ക്കാ​ൻ കാ​ര​ണ​മെ​ന്ന് ആ​ന​മ​ല​യി​ലെ ക​ർ​ഷ​ക​ർ പ​റ​യു​ന്നു. ത​മി​ഴ്നാ​ട്ടി​ലെ സ​മാ​ന രീ​തി​യി​ൽ പോ​ത്തു​ണ്ടി വ​രെ​യു​ള്ള പ്ര​ദേ​ശ​ത്ത് വൈ​ദ്യു​ത വേ​ലി സ്ഥാ​പി​ച്ച് ഇ​രു​വ​ശ​ത്തെ​യും മ​ര​ങ്ങ​ൾ മു​റി​ച്ചു​മാ​റ്റു​ക​യാ​ണെ​ങ്കി​ൽ കാ​ട്ടാ​ന​ക​ളു​ടെ വ​ര​വി​നെ പ്ര​തി​രോ​ധി​ക്കാ​ൻ ക​ഴി​യും. എ​ന്നാ​ൽ, ഇ​തി​നാ​യി അ​നു​വ​ദി​ച്ച 75 ല​ക്ഷ​ത്തി​ല​ധി​കം രൂ​പ ഉ​പ​യോ​ഗ​പ്പെ​ടു​ത്തി നാ​ല് കി​ലോ​മീ​റ്റ​ർ ദൈ​ർ​ഘ്യ​ത്തി​ൽ മാ​ത്ര​മാ​ണ് വൈ​ദ്യു​ത വേ​ലി നി​ർ​മി​ക്കാ​ൻ സാ​ധി​ക്കു​ക. തെ​ന്മ​ല​യോ​ര​ത്ത് കി​ട​ങ്ങ് സ്ഥാ​പി​ക്കാ​ൻ പാ​റ​ക്കെ​ട്ടു​ക​ൾ വി​ഘാ​ത​മാ​കു​ന്ന​തും പ്ര​തി​സ​ന്ധി​യാ​ണ്.

54 കി​ലോ​മീ​റ്റ​ർ ദൈ​ർ​ഘ്യ​മു​ള്ള മു​ത​ല​മ​ട, കൊ​ല്ല​ങ്കോ​ട്, എ​ല​വ​ഞ്ചേ​രി തു​ട​ങ്ങി​യ തെ​ന്മ​ല​യോ​ര പ്ര​ദേ​ശ​ങ്ങ​ളി​ൽ സ്പ്രിം​ഗ് വേ​ലി സ്ഥാ​പി​ക്കാ​ൻ നാ​ലു കോ​ടി​യി​ല​ധി​കം രൂ​പ​യാ​ണ് ആ​വ​ശ്യ​മാ​യി വ​രു​ന്ന​ത്. ഇ​ത്ര​യും വ​ലി​യ തു​ക എം.​പി, എം.​എ​ൽ.​എ, ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ എ​ന്നി​വ​യു​ടെ വി​ക​സ​ന ഫ​ണ്ടി​ൽ​നി​ന്ന് സം​യു​ക്ത​മാ​യി ചെ​ല​വ​ഴി​ച്ചാ​ൽ മാ​ത്ര​മേ സാ​ധ്യ​മാ​കൂ. ഇ​തി​നു​ള്ള ന​ട​പ​ടി​ക്ര​മ​ങ്ങ​ൾ ജ​ന​പ്ര​തി​നി​ധി​ക​ളും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളും സ​ർ​ക്കാ​റും ചേ​ർ​ന്ന് ന​ട​ത്ത​ണ​മെ​ന്നാ​ണ് തെ​ന്മ​ല​യോ​ര പ്ര​ദേ​ശ​ത്തെ ക​ർ​ഷ​ക​രു​ടെ ആ​വ​ശ്യം.

ധോണിയിൽ ഭീതി പരത്തി 'പി.ടി 7'

അ​ക​ത്തേ​ത്ത​റ: ധോ​ണി​യി​ൽ വീ​ണ്ടും ഭീ​തി പ​ര​ത്തി കാ​ട്ടാ​ന. അ​ക​ത്തേ​ത്ത​റ ഗ്രാ​മ​പ​ഞ്ചാ​യ​ത്തി​ലെ ചെ​രും​കാ​ട് പ​രി​സ​ര​ങ്ങ​ളി​ലാ​ണ് 'പി.​ടി-7' എ​ന്ന കാ​ട്ടാ​ന ജ​ന​വാ​സ മേ​ഖ​ല​ക്ക​ടു​ത്തു​ള്ള പ്ര​ദേ​ശ​ങ്ങ​ളി​ൽ ഒ​രാ​ഴ്ച​യാ​യി രാ​ത്രി ക​റ​ങ്ങു​ന്ന​ത്. പ്ര​ഭാ​ത​സ​വാ​രി​ക്കി​ടെ ശി​വ​രാ​മ​ൻ കൊ​ല്ല​പ്പെ​ട്ട​തും നാ​ലി​ല​ധി​കം പേ​ർ ആ​ക്ര​മ​ണ​ത്തി​ന് ഇ​ര​യാ​യ​തും ഈ ​കാ​ട്ടു​കൊ​മ്പ​ന്റെ പ​രാ​ക്ര​മ​ണ​ത്തി​ലാ​ണ്. വെ​ള്ളി​യാ​ഴ്ച പ​ക​ലും കാ​ട്ടാ​ന വ​നാ​തി​ർ​ത്തി പ്ര​ദേ​ശ​ങ്ങ​ളി​ലെ​ത്തി​യ​ത് നാ​ട്ടു​കാ​രു​ടെ ഭീ​തി ഇ​ര​ട്ടി​പ്പി​ച്ചു.

കാ​ട്ടാ​ന​യെ മ​യ​ക്കു​വെ​ടി​വെ​ച്ച് പി​ടി​കൂ​ടി കൊ​ണ്ടു​പോ​കാ​ൻ വ​യ​നാ​ട്ടി​ൽ കൂ​ട് ഒ​രു​ങ്ങു​ക​യാ​ണ്. കു​ങ്കി​യാ​ന​ക​ളും വി​ദ​ഗ്ധ​രും ആ​ന​യു​ടെ സ​ഞ്ചാ​ര​വ​ഴി​ക​ൾ നി​രീ​ക്ഷി​ക്കു​ന്നു​ണ്ട്. കാ​ട്ടാ​ന പേ​ടി കാ​ര​ണം ജ​ന​ങ്ങ​ൾ രാ​ത്രി​യും അ​തി​രാ​വി​ലെ​യും വീ​ടി​ന് പു​റ​ത്തി​റ​ങ്ങാ​ൻ ഭ​യ​പ്പെ​ടു​ക​യാ​ണ്. ക​ഴി​ഞ്ഞ ദി​വ​സം കാ​ട്ടാ​ന ദേ​ശീ​യ​പാ​ത​ക്ക​രി​കെ​യു​ള്ള പ്ര​ദേ​ശ​ങ്ങ​ളി​ലാ​ണ് ത​മ്പ​ടി​ച്ച​ത്.