ക​ണ്ണ​ട​ച്ച്​ കാ​മ​റ​ക​ൾ

പാ​ല​ക്കാ​ട്: വ​ട​ക്ക​ഞ്ചേ​രി-​വാ​ള​യാ​ർ ദേ​ശീ​യ​പാ​ത​യി​ലെ നി​രീ​ക്ഷ​ണ കാ​മ​റ​ക​ൾ പ്ര​വ​ർ​ത്ത​ന​ര​ഹി​ത​മാ​യി​ട്ട് മാ​സ​ങ്ങ​ൾ. മോ​ട്ടോ​ർ വാ​ഹ​ന വ​കു​പ്പ് ദേ​ശീ​യ​പാ​ത​യി​ലെ നി​യ​മ​ലം​ഘ​ന​ക​ൾ ക​ണ്ടെ​ത്താ​ൻ സ്ഥാ​പി​ച്ച നി​രീ​ക്ഷ​ണ കാ​മ​റ​ക​ളി​ൽ 11 എ​ണ്ണ​മാ​ണ് പ്ര​വ​ർ​ത്ത​ന​ര​ഹി​ത​മാ‍യ​ത്.

2018ലാ​ണ് ദേ​ശീ​യ​പാ​ത 544 നാ​ലു​വ​രി പാ​ത​യി​ൽ വ​ട​ക്ക​ഞ്ചേ​രി മു​ത​ൽ വാ​ള​യാ​ർ വ​രെ 54 കി​ലോ​മീ​റ്റ​ർ ദൂ​ര​ത്തി​ൽ 37 നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ച​ത്. ദേ​ശീ​യ​പാ​ത​യി​ലെ അ​പ​ക​ട​സാ​ധ്യ​ത​യു​ള്ള സ്ഥ​ല​ങ്ങ​ളി​ലാ​ണ് ഇത് സ്ഥാ​പി​ച്ചി​ട്ടു​ള്ള​ത്.

അ​മി​ത വേ​ഗം, അ​പ​ക​ടം ഉ​ൾ​പ്പെ​ടെ​യു​ള്ള എ​ല്ലാ​ത്തി​ന്റെ​യും പൂ​ർ​ണ വി​വ​ര​ങ്ങ​ൾ നി​മി​ഷ​ങ്ങ​ൾ​ക്കു​ള്ളി​ൽ ല​ഭ്യ​മാ​കും. കെ​ൽ​ട്രോ​ണാ​ണ് കാ​മ​റ സ്ഥാ​പി​ച്ച​ത്. എ​ന്നാ​ൽ, ഒ​രു വ​ർ​ഷ​ത്തോ​ള​മാ​യി ഇ​വ​യി​ൽ പ​ല​തും പ്ര​വ​ർ​ത്ത​ന​ര​ഹി​ത​മാ​ണ്.

ദി​ശ​മാ​റി​യ കാ​മ​റ​ക​ൾ നേ​രെ​യാ​ക്കാ​ൻ ന​ട​പ​ടി​യി​ല്ല. ദേ​ശീ​യ​പാ​ത ക​ണ്ണാ​ടി മ​ണ​ലൂ​രി​ൽ കാ​മ​റ ഒ​രു വ​ർ​ഷം മു​മ്പാ​ണ് ദി​ശ മാ​റി​യ​ത്.

തൂ​ണു​ക​ൾ തി​രി​ഞ്ഞ​താ​ണ് ഫോ​ക്ക​സ് മാ​റാ​ൻ കാ​ര​ണം. പാ​ത​ക്ക് ഇ​രു​വ​ശ​ത്തു​മു​ള്ള വ​യ​ലു​ക​ളി​ലേ​ക്കാ​ണ് കാ​മ​റ​യു​ടെ ഫോ​ക്ക​സ്. ദി​ശ മാ​റി​യ​തി​നെ കു​റി​ച്ച് ന​വ​മാ​ധ്യ​മ​ങ്ങ​ളി​ൽ നി​ര​വ​ധി ട്രോ​ളു​ക​ൾ വ​ന്നെ​ങ്കി​ലും മാ​റ്റാ​ൻ ന​ട​പ​ടി സ്വീ​ക​രി​ച്ചി​ട്ടി​ല്ല. അ​റ്റ​കു​റ്റ​പ്പ​ണി​ക​ൾ ന​ട​ത്താ​ൻ ഏ​ൽ​പി​ച്ച ഏ​ജ​ൻ​സി​ക്ക് തു​ക ല​ഭി​ക്കാ​തെ വ​ന്ന​തോ​ടെ​യാ​ണ് പ്ര​വൃ​ത്തി​ക​ളി​ൽ വീ​ഴ്ച സം​ഭ​വി​ച്ച​ത്. ക​ഴി​ഞ്ഞ ദി​വ​സം വ​ട​ക്ക​ഞ്ചേ​രി വാ​ഹ​നാ​പ​ക​ട​ത്തി​ൽ നി​രീ​ക്ഷ​ണ കാ​മ​റ​യി​ൽ പ​തി​ഞ്ഞ ദൃ​ശ്യ​ങ്ങ​ൾ അ​ന്വേ​ഷ​ണ​ത്തി​ൽ നി​ർ​ണാ​യ​ക​മാ​യി​രു​ന്നു.

അ​ന്ത​ർ സം​സ്ഥാ​ന ദേ​ശീ​യ​പാ​ത​ക​ളി​ൽ പ്ര​ധാ​ന​പ്പെ​ട്ട​തും ഏ​റ്റ​വും കൂ​ടു​ത​ൽ വാ​ഹ​ന​സ​ഞ്ചാ​ര​മു​ള്ള​തു​മാ​ണ് വാ​ള​യാ​ർ-​വ​ട​ക്ക​ഞ്ചേ​രി ദേ​ശീ​യ​പാ​ത.