സമയത്തെ ചൊല്ലി ജീവനക്കാരുടെ കൂട്ടയടി; ആ​റു​പേ​ർ​ക്കെ​തി​രെ കേ​സ്

പാ​ല​ക്കാ​ട്: സ​മ​യ​ത്തെ ചൊ​ല്ലി​യു​ണ്ടാ​യ ത​ർ​ക്ക​ത്തി​ൽ ബ​സ് ജീ​വ​ന​ക്കാ​ർ ത​മ്മി​ൽ റോ​ഡി​ൽ കൂ​ട്ട​ത്ത​ല്ല്. ആ​റു​പേ​ർ​ക്കെ​തി​രെ കേ​സ്. ചൊ​വ്വാ​ഴ്ച രാ​വി​ലെ 10.30ന് ​ദേ​ശീ​യ​പാ​ത 544ൽ ​മ​രു​ത​റോ​ഡി​ലാ​ണ് സം​ഭ​വം. പാ​ല​ക്കാ​ട്-​വാ​ള​യാ​ർ റൂ​ട്ടി​ലോ​ടു​ന്ന അ​ശ്വ​തി, മേ​ച്ചേ​രി ബ​സു​ക​ളി​ലെ ജീ​വ​ന​ക്കാ​ർ ത​മ്മി​ലാ​ണ് ത​ല്ലു​ണ്ടാ​യ​ത്.

സ​മ​യം തെ​റ്റി​ച്ചെ​ന്ന് ആ​രോ​പി​ച്ച് ന​ടു​റോ​ഡി​ൽ അ​ശ്വ​തി ബ​സി​ന് കു​റു​കെ മേ​ച്ചേ​രി ബ​സ് നി​ർ​ത്തി​യാ​യി​രു​ന്നു ജീ​വ​ന​ക്കാ​ർ പ്ര​ശ്ന​മു​ണ്ടാ​ക്കി​യ​ത്. ഇ​തോ​ടെ റോ​ഡി​ൽ ഗ​താ​ഗ​ത​ക്കു​രു​ക്കും രൂ​പ​പ്പെ​ട്ടു. നാ​ട്ടു​കാ​രും യാ​ത്ര​ക്കാ​രും ഇ​ട​പെ​ട്ടാ​ണ് ജീ​വ​ന​ക്കാ​രെ പി​ന്തി​രി​പ്പി​ച്ച​ത്.

പി​ന്നാ​ലെ ക​സ​ബ പൊ​ലീ​സും സ്ഥ​ല​ത്തെ​ത്തി. പ​രി​ശോ​ധ​ന​യി​ൽ മേ​ച്ചേ​രി ബ​സി​ലെ ഡ്രൈ​വ​ർ രാ​ജേ​ഷ് കു​മാ​ർ മ​ദ്യ​പി​ച്ച​താ​യി ക​ണ്ടെ​ത്തി​യ​തി​നെ തു​ട​ർ​ന്ന് പൊ​ലീ​സ് കേ​സെ​ടു​ത്തു. ഇ​യാ​ൾ​ക്കെ​തി​രെ തു​ട​ർ​ന​ട​പ​ടി​ക​ൾ​ക്ക് ശി​പാ​ർ​ശ ചെ​യ്തി​ട്ടു​ണ്ട്. കൂ​ടാ​തെ കൂ​ട്ട​ത്ത​ല്ലു​ണ്ടാ​ക്കി​യ അ​ഖി​ൽ, ജ​ഗ​ദീ​ഷ്, നാ​രാ​യ​ണ​നു​ണ്ണി, രോ​ഹി​ത്, സൗ​മേ​ഷ് എ​ന്നി​വ​ർ​ക്കെ​തി​രെ​യും പൊ​ലീ​സ് കേ​സെ​ടു​ത്തു. ഇ​തി​ൽ ബ​സ് ജീ​വ​ന​ക്കാ​രും വ​ഴി​യാ​ത്ര​ക്കാ​രും ഉ​ണ്ട്. ഇ​വ​രെ പി​ന്നീ​ട് ജാ​മ്യ​ത്തി​ൽ വി​ട്ടു.