ടാ​റി​ങ് പ്ലാ​ന്‍റി​ൽ​നി​ന്ന് ടാ​ർ കൊ​ണ്ടു​പോ​കു​ന്ന​ത്​ നാട്ടുകാർ തടഞ്ഞു

കാ​ഞ്ഞി​ര​പ്പു​ഴ: ടാ​റി​ങ് പ്ലാ​ന്‍റി​ൽ​നി​ന്ന് ടാ​ർ മി​ശ്രി​തം കൊ​ണ്ടു​പോ​കു​ന്ന​ത് നാ​ട്ടു​കാ​ർ ത​ട​ഞ്ഞു. ടാ​ർ കൊ​ണ്ടു​പോ​കു​ന്ന വാ​ഹ​ന​ങ്ങ​ൾ പാ​തി ത​ക​ർ​ന്ന റോ​ഡി​ലൂ​ടെ പോ​കു​ന്ന​ത് കാ​ര​ണം പാ​ത വീ​ണ്ടും ത​ക​രു​ന്ന​തി​ൽ പ്ര​തി​ഷേ​ധി​ച്ചാ​ണ് വാ​ഹ​നം ത​ട​ഞ്ഞി​ട്ട​ത്. വ്യാ​ഴാ​ഴ്ച രാ​വി​ലെ 11ന് ​കാ​ഞ്ഞി​രം സെ​ന്‍റ​റി​ലാ​ണ് സം​ഭ​വം. ചി​റ​ക്ക​ൽ​പ്പ​ടി-​കാ​ഞ്ഞി​ര​പ്പു​ഴ റോ​ഡി​ന്‍റെ ന​വീ​ക​ര​ണ പ്ര​വൃ​ത്തി​ക്കാ​യി പു​തു​താ​യി നി​ർ​മി​ച്ച ടാ​റി​ങ് പ്ലാ​ൻ​റി​ൽ​നി​ന്ന് മ​ണ്ണാ​ർ​ക്കാ​ടി​ന​ടു​ത്ത് പ​യ്യ​ന​ടം റോ​ഡി​ന്‍റെ പു​ന​രു​ദ്ധാ​ര​ണ പ്ര​വൃ​ത്തി​ക്കാ​യി ടാ​ർ കൊ​ണ്ടു​പോ​കു​ന്ന ട്രെ​യി​ല​ർ ലോ​റി​യാ​ണ് നാ​ട്ടു​കാ​ർ ത​ട​ഞ്ഞ​ത്.

ടാ​ർ ക​ട്ട​പി​ടി​ക്കു​മെ​ന്ന വാ​ഹ​നം ഓ​ടി​ക്കു​ന്ന​വ​രു​ടെ അ​ഭി​പ്രാ​യം പ​രി​ഗ​ണി​ച്ച് വാ​ഹ​നം പി​ന്നീ​ട് വി​ട്ട​യ​ച്ചു. തു​ട​ർ​ന്ന് യു​വാ​ക്ക​ള​ട​ങ്ങി​യ പ്ര​തി​ഷേ​ധ​ക്കാ​ർ കാ​ഞ്ഞി​ര​പ്പു​ഴ​യി​ലെ ടാ​റി​ങ് പ്ലാ​ന്‍റി​ലെ​ത്തി പ്ര​വ​ർ​ത്ത​നം നി​ർ​ത്തി​വെ​പ്പി​ച്ചു. ഒ​ന്ന​ര മ​ണി​ക്കൂ​റി​ന് ശേ​ഷം വീ​ണ്ടും ടാ​റി​ങ് പ്ലാ​ന്‍റ് പ്ര​വ​ർ​ത്ത​നം തു​ട​ങ്ങി. ചി​റ​ക്ക​ൽ​പ്പ​ടി-​കാ​ഞ്ഞി​ര​പ്പു​ഴ റോ​ഡി​ന്‍റെ ന​വീ​ക​ര​ണം പൂ​ർ​ത്തി​യാ​വാ​ത്ത​താ​ണ് ജ​ന​രോ​ഷം ഉ​യ​രാ​നി​ട​വ​രു​ത്തി​യ​ത്. പ്ര​തി​ഷേ​ധ​ത്തി​ന് നി​സാ​ർ മു​ഹ​മ്മ​ദ്, കെ. ​സു​നി​ഷ്, വി​നൂ​പ് എ​ന്നി​വ​ർ നേ​തൃ​ത്വം ന​ൽ​കി.