Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightഅർബുദ രോഗിയുടെ പെൻഷൻ...

അർബുദ രോഗിയുടെ പെൻഷൻ അപേക്ഷ:മെഡി. സർട്ടിഫിക്കറ്റ് നിബന്ധന രോഗികളെ വലക്കുന്നു

text_fields
bookmark_border
അർബുദ രോഗിയുടെ പെൻഷൻ അപേക്ഷ:മെഡി. സർട്ടിഫിക്കറ്റ് നിബന്ധന രോഗികളെ വലക്കുന്നു
cancel

ഒറ്റപ്പാലം: സർക്കാർ നടപ്പാക്കിയ കാൻസർ പെൻഷൻ പദ്ധതിയിൽ ഉൾപ്പെട്ട രോഗികൾ വർഷംതോറും വില്ലേജ് ഓഫിസർക്ക് നൽകുന്ന അപേക്ഷയോടൊപ്പം ജില്ല ആശുപത്രിയിലെ ഓങ്കോളജിസ്​റ്റി​െൻറ മെഡിക്കൽ സർട്ടിഫിക്കറ്റ് ഹാജരാക്കണമെന്ന നിബന്ധന രോഗികളെ വലക്കുന്നു.രോഗി നേരിട്ട് ഹാജരാകണമെന്ന നിഷ്കർഷ മൂലം അവശരും ആൾ സഹായമില്ലാത്തവരുമാണ് ഏറെ ബുദ്ധിമുട്ടുന്നത്​.

ജില്ലയിലെ അതിർത്തി ഗ്രാമങ്ങളിൽ നിന്ന്​ കിലോമീറ്ററുകൾ സഞ്ചരിച്ചെത്തി ജില്ല ആസ്ഥാനത്ത് കാത്ത് നിൽക്കേണ്ട അവസ്ഥയാണ്. നിർധനരായ രോഗികൾക്ക് സാമ്പത്തിക പ്രയാസവും ശാരീരിക ബുദ്ധിമുട്ടുകളുമാണ് ഇതുമൂലമുണ്ടാകുന്നത്.

ജില്ല ആശുപത്രിയിലെത്തി ഒ.പി ടിക്കറ്റുമെടുത്ത് മറ്റു രോഗികളോടൊപ്പം മണിക്കൂറുകളോളം കാത്ത് നിന്ന് വേണം മെഡിക്കൽ സർട്ടിഫിക്കറ്റ് കരസ്ഥമാക്കാൻ.

താലൂക്ക് ആശുപത്രികളിലെ ഓങ്കോളജിസ്​റ്റ്​ നൽകിയ സർട്ടിഫിക്കറ്റ് ഹാജരാക്കിയവർക്ക് പെൻഷൻ നിഷേധിക്കപ്പെട്ട അനുഭവമുണ്ടെന്ന് സിറ്റിസൺ ഫോറം ഭാരവാഹികൾ ആരോപിച്ചു. തൊട്ടടുത്തുള്ള താലൂക്ക് ആശുപത്രികളിലേയോ ഇതര സർക്കാർ ആശുപത്രികളിലെയോ ഓങ്കോളജിസ്​റ്റുമാർ നൽകുന്ന മെഡിക്കൽ സർട്ടിഫിക്കറ്റ് അപേക്ഷയോടൊപ്പം സമർപ്പിച്ചാൽ മതിയെന്നതിന് സർക്കാർ ഉത്തരവ് നൽകണമെന്നാവശ്യപ്പെട്ട് മുഖ്യമന്ത്രിക്ക് നിവേദനം സമർപ്പിച്ചതായി ഫോറം സംസ്ഥാന പ്രസിഡൻറ്​ അഡ്വ. ആർ.പി. ശ്രീനിവാസൻ, താലൂക്ക് പ്രസിഡൻറ്​ വി.പി. രാധാകൃഷ്ണൻ എന്നിവർ അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Cancer patientmedical certificate
Next Story