നിയമസഭ തെരഞ്ഞെടുപ്പ്: ജില്ലയില്‍ പിടിച്ചെടുത്തത് 6.89 ലക്ഷം രൂപ

പാ​ല​ക്കാ​ട്: നി​യ​മ​സ​ഭ തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച് സ്റ്റാ​റ്റി​ക് സ​ര്‍വൈ​ല​ന്‍സ് ടീം (​എ​സ്.​എ​സ്.​ടി) ജി​ല്ല​യി​ല്‍ ന​ട​ത്തി​യ പ​രി​ശോ​ധ​ന​യി​ൽ പി​ടി​ച്ചെ​ടു​ത്ത​ത് രേ​ഖ​ക​ളി​ല്ലാ​തെ ക​ട​ത്താ​ന്‍ ശ്ര​മി​ച്ച 6,89,000 രൂ​പ. വി​വി​ധ മ​ണ്ഡ​ല​ങ്ങ​ളി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് തു​ക ക​ണ്ടെ​ടു​ത്ത​ത്. കോ​ങ്ങാ​ട് മ​ണ്ഡ​ല​ത്തി​ല്‍നി​ന്ന് എ​സ്.​എ​സ്.​ടി (3) ന​ട​ത്തി​യ പ​രി​ശോ​ധ​ന​യി​ല്‍ 4,19,000 രൂ​പ​യാ​ണ് ക​ണ്ടെ​ടു​ത്ത​ത്. മ​ണ്ണാ​ര്‍ക്കാ​ട് മ​ണ്ഡ​ല​ത്തി​ലെ മ​ട്ട​ത്തു​കാ​ട് ചെ​ക്ക്പോ​സ്റ്റി​ല്‍നി​ന്ന് ഒ​രു ല​ക്ഷം രൂ​പ​യും ചി​റ്റൂ​രി​ല്‍ നി​ന്ന് 1,70,000 രൂ​പ​യും പി​ടി​ച്ചെ​ടു​ത്തു.

ജി​ല്ല​യി​ല്‍ 12 മ​ണ്ഡ​ല​ങ്ങ​ളി​ലാ​യി 38 ടീ​മു​ക​ള്‍ 24 മ​ണി​ക്കൂ​റും നി​രീ​ക്ഷ​ണം ക​ര്‍ശ​ന​മാ​യി ന​ട​ത്തു​ന്നു​ണ്ട്. തെ​ര​ഞ്ഞെ​ടു​പ്പ് പ്ര​ക്രി​യ​യി​ല്‍ പ​ണം, മ​ദ്യം, മ​റ്റ് സ​മ്മാ​ന​ങ്ങ​ള്‍ എ​ന്നി​വ ന​ല്‍കി വോ​ട്ട​ര്‍മാ​രെ സ്വാ​ധീ​നി​ക്കു​ന്ന​ത് ത​ട​യു​ക, നി​യ​മ​വി​രു​ദ്ധ​മാ​യ ആ​യു​ധ​ങ്ങ​ളു​ടെ​യും മ​യ​ക്കു​മ​രു​ന്നു​ക​ളു​ടെ​യും ക​ട​ത്ത് ത​ട​യു​ക എ​ന്നി​വ​യാ​ണ് ഈ ​സ്‌​ക്വാ​ഡു​ക​ളു​ടെ പ്ര​ധാ​ന ചു​മ​ത​ല. തെ​ര​ഞ്ഞെ​ടു​പ്പ് കാ​ല​യ​ള​വി​ല്‍ വോ​ട്ട​ര്‍മാ​രെ​യോ മ​റ്റു വ്യ​ക്തി​ക​ളെ​യോ ഭീ​ഷ​ണി​പ്പെ​ടു​ത്തു​ക​യോ ഭ​യ​പ്പെ​ടു​ത്തു​ക​യോ ചെ​യ്യു​ന്ന എ​ല്ലാ നീ​ക്ക​ങ്ങ​ളും ത​ട​യാ​ന്‍ സ്‌​ക്വാ​ഡു​ക​ള്‍ക്ക് ക​ര്‍ശ​ന നി​ര്‍ദേ​ശം ന​ല്‍കി​യ​താ​യി സ്‌​ക്വാ​ഡു​ക​ളു​ടെ ജി​ല്ല​ത​ല ഏ​കോ​പ​ന ചു​മ​ത​ല​യു​ള്ള ചെ​ല​വ് നി​രീ​ക്ഷ​ണ നോ​ഡ​ല്‍ ഓ​ഫി​സ​റാ​യ ജി​ല്ല ഫി​നാ​ന്‍സ് ഓ​ഫി​സ​ര്‍ അ​റി​യി​ച്ചു.