Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightAnakkarachevron_rightകൂട്ടുകാരെ മരണം...

കൂട്ടുകാരെ മരണം കവര്‍ന്നത് നീന്തൽ പഠനമെന്ന മോഹത്തിനൊടുവിൽ

text_fields
bookmark_border
jagan, sayooj
cancel
camera_alt

ജ​ഗ​ന്‍, സാ​യൂ​ജ്

Listen to this Article

ആനക്കര: പതിവുപോലെ ഫുട്ബാള്‍ പരിശീലനത്തിൽ പങ്കെടുത്ത് മടങ്ങിയ വിദ്യാർഥികള്‍ വഴിമാറിയത് മരണത്തിലേക്ക്. കാല്‍പന്തുകളി പ്രേമം നെഞ്ചേറ്റിയ ഇരുവരും കൂട്ടുകാരുമൊത്ത് പരിശീലനത്തിനായി കുമരനെല്ലൂര്‍ ഹയര്‍ സെക്കൻഡറി സ്കൂള്‍ ഗ്രൗണ്ടിലേക്ക് പോയിരുന്നു. എന്നാല്‍, മടക്കം കുളത്തിലൊന്ന് നീന്താമെന്ന മോഹമാണ് ഒടുവില്‍ നാടിന്‍റെ നൊമ്പരമായത്. പട്ടിത്തറ പഞ്ചായത്തിലെ ഒന്നാംവാര്‍ഡ് ഒതളൂര്‍ കൊമ്മാത്ര കോളനിയിലാണ് മരിച്ച ജഗനും സായൂജും. ഏവര്‍ക്കും ഏറെ പ്രിയരായിരുന്നു ഇരുവരും. എന്നാല്‍, ഈ സൗഹൃദത്തിന് സുദീര്‍ഘമായൊരു കാലം വിധികല്‍പ്പിച്ചു നല്‍കിയില്ലെന്ന കാര്യം വിശ്വസിക്കാന്‍ കോളനിവാസികളില്‍ പലരും തയാറല്ല.

കുടുംബങ്ങളുടെ അത്താണിയാവേണ്ടവര്‍ നേരത്തേ കാലയവനികക്കുള്ളില്‍ മറഞ്ഞു എന്നത് ഈ കുടുംബങ്ങൾക്ക് താങ്ങാവുന്നതിനപ്പുറമാണ്. ഞായറാഴ്ച ഉച്ചയോടെയാണ് കല്ലടത്തൂര്‍ വലിയത്രകുളത്തില്‍ ചളിയില്‍ പൂഴ്ന്ന് രണ്ട് വിദ്യാർഥികള്‍ മരിച്ചത്.

ര​ണ്ട്​ വി​ദ്യാ​ർ​ഥി​ക​ള്‍ കു​ള​ത്തി​ൽ മു​ങ്ങി​മ​രി​ച്ചു

ആ​ന​ക്ക​ര: അ​വ​ധി​ദി​വ​സം കൂ​ട്ടു​കാ​രു​മൊ​ത്ത്​ കു​ള​ത്തി​ൽ കു​ളി​ക്കാ​ന്‍ പോ​യ വി​ദ്യാ​ർ​ഥി​ക​ളി​ല്‍ ര​ണ്ടു​പേ​ര്‍ മു​ങ്ങി​മ​രി​ച്ചു. പാ​ല​ക്കാ​ട് തൃ​ത്താ​ല ഒ​ത​ളൂ​ര്‍ പു​ളി​ഞ്ചോ​ടി​ല്‍ തേ​വ​ര്‍പ​റ​മ്പി​ല്‍ മ​ധു​വി​ന്‍റെ മ​ക​ന്‍ ജ​ഗ​ന്‍ (16), കൊ​മ്മാ​ത്ര വ​ള​പ്പി​ല്‍ സു​കു​മാ​ര​ന്‍റെ മ​ക​ന്‍ സാ​യൂ​ജ് (16) എ​ന്നി​വ​രാ​ണ് മ​രി​ച്ച​ത്. ഇ​രു​വ​രും ക​ല്ല​ട​ത്തൂ​ര്‍ ഗോ​ഖ​ലെ ഗ​വ. ഹ​യ​ര്‍ സെ​ക്ക​ൻ​ഡ​റി സ്കൂ​ൾ പ്ല​സ് വ​ണ്‍ വി​ദ്യാ​ര്‍ഥി​ക​ളാ​ണ്. ക​പ്പൂ​ര്‍ ക​ല്ല​ട​ത്തൂ​ര്‍ വ​ലി​യ​ത്ര കു​ള​ത്തി​ല്‍ ഞാ​യ​റാ​ഴ്ച​യാ​ണ് നാ​ടി​നെ ന​ടു​ക്കി​യ ദു​ര​ന്തം. അ​യ​ല്‍വാ​സി​ക​ളാ​യ ഇ​രു​വ​രും മ​റ്റ് ആ​റു​പേ​രു​മൊ​ത്താ​ണ് കു​ള​ത്തി​ല്‍ പോ​യ​ത്‌. ച​ളി​യി​ല്‍ പൂ​ണ്ട ഒ​രാ​ളെ ര​ക്ഷി​ക്കാ​ന്‍ മ​റ്റൊ​രാ​ൾ ശ്ര​മി​ച്ച​തോ​ടെ ര​ണ്ടു​പേ​രും വെ​ള്ള​ത്തി​ൽ മു​ങ്ങു​ക​യാ​യി​രു​ന്നു. മ​റ്റു​ള്ള​വ​രെ നാ​ട്ടു​കാ​ര്‍ ഓ​ടി​യെ​ത്തി ര​ക്ഷ​പ്പെ​ടു​ത്തി. സു​മി​ഷ​യാ​ണ്​ ജ​ഗ​ന്‍റെ മാ​താ​വ്. സ​ഹോ​ദ​ര​ങ്ങ​ൾ: സ്നേ​ഹ​ൻ, ദ​യാ​ൽ. സാ​യൂ​ജി​ന്‍റെ മാ​താ​വ്​: പ്രീ​ന. സ​ഹോ​ദ​രി: സു​പ്രി​യ. ഇ​രു​വ​രു​ടെ​യും മൃ​ത​ദേ​ഹ​ങ്ങ​ള്‍ തി​ങ്ക​ളാ​ഴ്ച സം​സ്ക​രി​ക്കും.

Show Full Article
TAGS:swimming accident news 
News Summary - Death robbed friends of their desire to learn to swim
Next Story