വൈദ്യുതി ലൈനിലേക്ക് തെങ്ങ് വീണു; വിദ്യാർഥി രക്ഷപ്പെട്ടത് തലനാരിഴക്ക്

ആനക്കര: വൈദ്യുതി ലൈനിലേക്ക് തെങ്ങ് വീണുണ്ടായ സംഭവത്തിൽ വിദ്യാർഥി രക്ഷപ്പെട്ടത് തലനാരിഴക്ക്. വേഴൂര്‍കുന്ന് പാറയില്‍ അബൂബക്കറിന്‍റെ മകനും പ്ലസ് വണ്‍ വിദ്യാർഥിയുമായ അന്‍സില്‍(16) ആണ് രക്ഷപ്പെട്ടത്.

വേഴൂര്‍കുന്ന് റോഡില്‍ ബുധനാഴ്ച വൈദ്യുതി ലൈനിലേക്ക് തെങ്ങ് വീണുണ്ടായ അപകടസമയത്ത് അന്‍സില്‍ അതുവഴി നടന്നുപോകുകയായിരുന്നു. ഈ സമയം വലിയൊരു ശബ്ദത്തോടെ തെങ്ങ് വീണു. വീഴ്ചയില്‍ രണ്ട് വൈദ്യുതി കാലുകളും കമ്പികളും പൊട്ടിവീണു. ഇതിനിടയിലകപ്പെട്ട അന്‍സില്‍ സ്വയം ഓടി രക്ഷപ്പെടുകയായിരുന്നു.