കാങ്കക്കടവ് റെഗുലേറ്റര്‍ കം ബ്രിഡ്ജ് പദ്ധതിക്ക് 125 കോടിയുടെ അംഗീകാരം

ആ​ന​ക്ക​ര: കാ​ങ്ക​ക്ക​ട​വ് റെ​ഗു​ലേ​റ്റ​ര്‍ കം ​ബ്രി​ഡ്ജ് പ​ദ്ധ​തി​ക്ക് ചൊ​വ്വാ​ഴ്ച ചേ​ര്‍ന്ന കി​ഫ്ബി ബോ​ര്‍ഡ് യോ​ഗ​ത്തി​ല്‍ 125 കോ​ടി​യു​ടെ അം​ഗീ​കാ​രം ല​ഭി​ച്ചു. കാ​ല​പ്പ​ഴ​ക്ക​മേ​റി​യ കു​റ്റി​പ്പു​റം പാ​ല​ത്തി​ന് പ​ക​ര​മാ​യി പ്ര​യോ​ജ​ന​പ്പെ​ടു​ന്ന​തും മ​ല​പ്പു​റം, പാ​ല​ക്കാ​ട് ജി​ല്ല​ക​ളെ ത​മ്മി​ല്‍ ബ​ന്ധി​പ്പി​ക്കു​ന്ന​തു​മാ​ണ് കാ​ങ്ക​ക്ക​ട​വ് പാ​ലം.

റെ​ഗു​ലേ​റ്റ​ര്‍ കൂ​ടി ഉ​ള്‍പ്പെ​ടു​ന്ന പ​ദ്ധ​തി​യാ​യ​തി​നാ​ല്‍ കു​ടി​വെ​ള്ള ക്ഷാ​മം പ​രി​ഹ​രി​ക്കു​ന്ന​തി​നും കൃ​ഷി​ക്കും ജ​ല​സേ​ച​ന​ത്തി​നു​മു​ള്ള പ്ര​ധാ​ന സ്രോ​ത​സ്സ് എ​ന്ന നി​ല​യി​ലും ഈ ​പ​ദ്ധ​തി ഏ​റെ പ്ര​യോ​ജ​ന​പ്പെ​ടും. തൃ​ത്താ​ല​യു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന്റെ നാ​ഴി​ക​ക്ക​ല്ലാ​യും മാ​റും.

ക​രി​യ​ന്നൂ​ര്‍-​സൂ​ശീ​ല​പ്പ​ടി മേ​ൽ​പാ​ല​ത്തി​ന് 40 കോ​ടി​യു​ടെ ഭ​ര​ണാ​നു​മ​തി നേ​ര​ത്തേ ല​ഭി​ച്ചി​രു​ന്നു. പ​ദ്ധ​തി​ക്ക് അ​നു​മ​തി ല​ഭ്യ​മാ​ക്കു​ന്ന​തി​ന് നേ​തൃ​ത്വം ന​ല്‍കി​യ ധ​ന​മ​ന്ത്രി കെ.​എ​ന്‍. ബാ​ല​ഗോ​പാ​ല്‍, ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​ന്‍, കി​ഫ്ബി​യു​ടെ​യും കി​ഡ്കി​ന്റെ​യും ഉ​ദ്യോ​ഗ​സ്ഥ​ര്‍ എ​ന്നി​വ​രോ​ടും കോ​ട്ട​ക്ക​ല്‍ എം.​എ​ല്‍.​എ ആ​ബി​ദ് ഹു​സൈ​ന്‍ ത​ങ്ങ​ളോ​ടും ന​ന്ദി രേ​ഖ​പ്പെ​ടു​ത്തു​ന്ന​താ​യി എം.​എ​ല്‍.​എ എം.​ബി. രാ​ജേ​ഷ് അ​റി​യി​ച്ചു.