ആലത്തൂർ എസ്.എൻ കോളജ് അനിശ്ചിതകാലത്തേക്ക് അടച്ചു
text_fieldsആലത്തൂർ എസ്.എൻ കോളജിലേക്ക് എസ്.എഫ്.ഐ നടത്തിയ മാർച്ച്
ആലത്തൂർ: വിദ്യാർഥി സംഘർഷസാധ്യത കണക്കിലെടുത്ത് ആലത്തൂർ എസ്.എൻ കോളജ് അനിശ്ചിതകാലത്തേക്ക് അടച്ചിട്ടു. കഴിഞ്ഞ ദിവസമുണ്ടായ കെ.എസ്.യു-എസ്.എഫ്.ഐ സംഘർഷത്തെ തുടർന്ന് സസ്പെൻഡ് ചെയ്ത എസ്.എഫ്.ഐ യൂനിറ്റ് സെക്രട്ടറി ജിബിൻ, പ്രസിഡന്റ് അരുൺ എന്നിവരെ തിരിച്ചെടുക്കണമെന്നാവശ്യപ്പെട്ട് എസ്.എഫ്.ഐ ജില്ല കമ്മിറ്റി കോളജിലേക്ക് മാർച്ച് നടത്തി.
ഗേറ്റിന് മുന്നിൽ പ്രതിഷേധക്കാരെ പൊലീസ് തടഞ്ഞെങ്കിലും പ്രവർത്തകർ കോളജിനകത്തേക്ക് കടന്നു. പ്രിൻസിപ്പലിന്റെ ഓഫിസിന് മുന്നിലെത്തി പ്രതിഷേധം തുടർന്നു. പ്രിൻസിപ്പൽ പ്രവീണ വിജയനുമായി നേതാക്കൾ സംസാരിച്ചത് പ്രകാരം കൗൺസിൽ യോഗം ചേർന്ന് തുടർനടപടി ആലോചിക്കാമെന്ന് പ്രിൻസിപ്പൽ അറിയിച്ചു. എന്നാൽ സംഘർഷ സാധ്യത കണക്കിലെടുത്താണ് കോളജ് അടച്ചത്. പ്രതിഷേധം ജില്ല സെക്രട്ടറി എസ്. വിപിൻ ഉദ്ഘാടനം ചെയ്തു. പ്രസിഡന്റ് വി.വി. അഭിഷേക്, സംസ്ഥാന കമ്മിറ്റി അംഗം എൻ. രശ്മി, ഏരിയ പ്രസിഡന്റ് എം. സനിൽ എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

