കടുത്ത ചൂടിൽ കോഴികൾ ചാവുന്നു; കർഷകർ ദുരിതത്തിൽ

അ​ല​ന​ല്ലൂ​ർ: ക​ടു​ത്ത ചൂ​ടി​ൽ കോ​ഴി​ക​ൾ ച​ത്തൊ​ടു​ങ്ങു​ന്ന​തി​നാ​ൽ ക​ർ​ഷ​ക​രും വ്യാ​പാ​രി​ക​ളും ദു​രി​ത​ത്തി​ൽ. ജി​ല്ല​യി​ൽ ചൂ​ട് 40 ഡി​ഗ്രി ക​ട​ന്ന​താ​ണ് പ്ര​തി​സ​ന്ധി​ക്ക് കാ​ര​ണം. ജ​ല​ക്ഷാ​മ​വും ഫാം ​ന​ട​ത്തി​പ്പി​നെ ബാ​ധി​ച്ചു. അ​ല​ന​ല്ലൂ​ർ മേ​ഖ​ല​യി​ലെ നൂ​റു​ക​ണ​ക്കി​ന് ഫാ​മു​ക​ളാ​ണ് ചൂ​ട് കാ​ര​ണം കൂ​ട്ട​ത്തോ​ടെ ഉ​ൽ​പാ​ദ​നം നി​ർ​ത്തി​യ​ത്. ഫാ​മു​ക​ളി​ൽ കു​ഞ്ഞു​ങ്ങ​ളെ ഇ​റ​ക്കി 40 ദി​വ​സം പ​രി​ച​രി​ച്ചാ​ലും 60 ശ​ത​മാ​നം കോ​ഴി​ക​ളെ​യാ​ണ് വി​ൽ​ക്കാ​ൻ ക​ഴി​യു​ന്ന​ത്. 40 ശ​ത​മാ​നം ച​ത്തൊ​ടു​ങ്ങു​ക​യാ​ണ്.

ഇ​ത് വ​ലി​യ ന​ഷ്ട​മാ​ണ് വ​രു​ത്തു​ന്ന​ത്. ഉ​ൽ​പാ​ദ​നം കു​റ​ഞ്ഞ​തോ​ടെ വി​ല വ​ർ​ധി​ച്ചു. കോ​ഴി​ക്ക് ക്ഷാ​മം നേ​രി​ട്ടു തു​ട​ങ്ങു​ക​യും ചെ​യ്‌​തു. പ്ര​വാ​സി​ക​ൾ ഉ​ൾ​പ്പെ​ടെ നി​ര​വ​ധി പേ​രാ​ണ് വാ​യ്പ‌​യെ​ടു​ത്തും സ്വ​ർ​ണം പ​ണ​യം വെ​ച്ചു​മെ​ല്ലാം ഫാം ​ന​ട​ത്തു​ന്ന​ത്. ഫാ​മു​ക​ൾ വാ​ട​ക​ക്ക് എ​ടു​ത്ത് ന​ട​ത്തു​ന്ന​വ​രു​മു​ണ്ട്. ഉ​ൽ​പാ​ദ​നം നി​ർ​ത്തി​യ​തോ​ടെ ഫാ​മു​ക​ൾ ന​ശി​ച്ചു​തു​ട​ങ്ങി. നി​ശ്ചി​ത കാ​ല​യ​ള​വി​ലേ​ക്ക് വാ​ട​ക​ക്ക് എ​ടു​ത്ത​തി​നാ​ൽ അ​ത്ര​യും കാ​ല​ത്തെ വാ​ട​ക ന​ൽ​കേ​ണ്ട സ്‌​ഥി​തി​യു​മു​ണ്ട്. കോ​ഴി​ക്ക​ട​ക്കാ​രും വ​ലി​യ പ്ര​തി​സ​ന്ധി​യാ​ണ് നേ​രി​ടു​ന്ന​ത്. 10 പെ​ട്ടി കോ​ഴി ഇ​റ​ക്കി​യി​രു​ന്ന​വ​ർ ഒ​ന്നോ ര​ണ്ടോ പെ​ട്ടി​യാ​ണ് ഇ​പ്പോ​ൾ ഇ​റ​ക്കു​ന്ന​ത്.