ഏ​ഴ് വ​ർ​ഷം മു​മ്പ് തു​ട​ങ്ങി​യ പ​ദ്ധ​തി പാ​തി​വ​ഴി​യി​ൽ; ശു​ദ്ധ​ജ​ലം കാ​ത്ത് അ​ട്ട​പ്പാ​ടി​യി​ലെ ഊ​രു​ക​ൾ

അ​ഗ​ളി: അ​ട്ട​പ്പാ​ടി​യി​ലെ ആ​ദി​വാ​സി ഊ​രു​ക​ളി​ൽ ശു​ദ്ധ​ജ​ല​മെ​ത്തി​ക്കാ​ൻ തു​ട​ങ്ങി​യ പ​ദ്ധ​തി ഏ​ഴ് വ​ർ​ഷം പി​ന്നി​ടു​മ്പോ​ഴും പാ​തി​വ​ഴി​യി​ൽ. 40 കോ​ടി വ​ക​യി​രു​ത്തി 2015ലാ​ണ് പ​ദ്ധ​തി പ്ര​ഖ്യാ​പി​ച്ച​ത്. അ​ട്ട​പ്പാ​ടി​യി​ലെ മു​ഴു​വ​ൻ പ​ഞ്ചാ​യ​ത്തു​ക​ളി​ലു​മു​ള്ള ആ​ദി​വാ​സി ഊ​രു​ക​ളി​ലേ​ക്കും പ്ര​ദേ​ശ​ങ്ങ​ളി​ലേ​ക്കും ശു​ദ്ധ​ജ​ലം എ​ത്തി​ക്കു​ക​യാ​യി​രു​ന്നു ല​ക്ഷ്യം. നി​ല​വി​ൽ ക​ണ​ക്കി​ൽ 22 കോ​ടി ചെ​ല​വ​ഴി​ച്ച​താ​യി കാ​ണി​ക്കു​മ്പോ​ഴും പ്ര​വൃ​ത്തി​ക​ൾ എ​ങ്ങു​മെ​ത്തി​യി​ട്ടി​ല്ല. സ​ർ​ക്കാ​റി​ൽ​നി​ന്ന് യ​ഥാ​സ​മ​യം പ​ണം ല​ഭി​ക്കാ​ത്ത​താ​ണ് നി​ർ​മാ​ണ പ്ര​വൃ​ത്തി​ക​ൾ മ​ന്ദീ​ഭ​വി​ക്കു​വാ​ൻ കാ​ര​ണ​മെ​ന്നാ​ണ് ക​രാ​റു​കാ​ര​ൻ പ​രാ​തി​പ്പെ​ടു​ന്ന​ത്. അ​ട്ട​പ്പാ​ടി​യി​ലെ 82 ആ​ദി​വാ​സി ഊ​രു​ക​ളി​ൽ കു​ടി​വെ​ള്ള​മെ​ത്തി​ക്കു​ന്ന പ​ദ്ധ​തി​യാ​ണ് അ​ധി​കൃ​ത​രു​ടെ അ​നാ​സ്ഥ മൂ​ലം പാ​തി​വ​ഴി​യി​ലാ​യി നി​ൽ​ക്കു​ന്ന​ത്.

ഇ​തി​നി​ടെ പ​ദ്ധ​തി​യു​മാ​യി ബ​ന്ധ​പ്പെ​ട്ട് വ​ലി​യ ആ​രോ​പ​ണ​ങ്ങ​ളും ഉ​യ​ർ​ന്നു വ​രു​ന്നു​ണ്ട്. പ​ദ്ധ​തി ത​യാ​റാ​ക്കി​യ​തി​ൽ വ​ലി​യ സാ​ങ്കേ​തി​ക പി​ഴ​വ് ഉ​ണ്ടാ​യി​ട്ടു​ള്ള​താ​യാ​ണ് വി​വ​രം. 400 എ​ച്ച്.​പി പ​മ്പ് സെ​റ്റാ​ണ് പ​ദ്ധ​തി​ക്ക് ഉ​പ​യോ​ഗി​ക്കു​വാ​ൻ തീ​രു​മാ​നി​ച്ചി​ട്ടു​ള്ള​ത്. ഇ​ത് വേ​ന​ൽ​ക്കാ​ല​ത്ത് ഭ​വാ​നി​പ്പു​ഴ വ​റ്റി​വ​ര​ളാ​ൻ ഇ​ട​യാ​ക്കും എ​ന്ന​താ​ണ് പ​ദ്ധ​തി​ക്കെ​തി​രെ പ്ര​ധാ​ന​മാ​യും ഉ​യ​രു​ന്ന ആ​രോ​പ​ണം. നി​ര​വ​ധി ജ​ല​സേ​ച​ന, കു​ടി​വെ​ള്ള പ​ദ്ധ​തി​ക​ൾ ഇ​വി​ടെ നി​ല​വി​ൽ പ്ര​വ​ർ​ത്തി​ക്കു​ന്നു​ണ്ട്. ആ​യി​ര​ത്തി​ല​ധി​കം ഏ​ക്ക​ർ പ്ര​ദേ​ശ​ത്തെ കൃ​ഷി​ഭൂ​മി​യി​ലേ​ക്ക് ക​ർ​ഷ​ക​ർ ജ​ല​സേ​ച​നം ന​ട​ത്തു​ന്ന​തും ഭ​വാ​നി​പ്പു​ഴ​യെ ആ​ശ്ര​യി​ച്ചാ​ണ്.