ഷോ​ക്കേ​റ്റ് ചെ​രി​ഞ്ഞ ആ​ന​യു​ടെ ജ​ഡം സം​സ്ക​രി​ച്ചു

അ​ഗ​ളി: അ​ട്ട​പ്പാ​ടി​യി​ൽ വൈ​ദ്യു​തി ലൈ​നി​ൽ​നി​ന്ന് ഷോ​ക്കേ​റ്റ് ചെ​രി​ഞ്ഞ കാ​ട്ടാ​ന​യു​ടെ ജ​ഡം പോ​സ്റ്റ്മോ​ർ​ട്ട ന​ട​പ​ടി​ക​ൾ​ക്കു​ശേ​ഷം സം​സ്ക​രി​ച്ചു. വൈ​ദ്യു​തി ലൈ​നി​ൽ നി​ന്നേ​റ്റ ഷോ​ക്കാ​ണ് മ​ര​ണ​കാ​ര​ണ​മെ​ന്ന് അ​ധി​കൃ​ത​ർ സ്ഥി​രീ​ക​രി​ച്ചു. പു​തൂ​ർ പ​ഞ്ചാ​യ​ത്തി​ലെ താ​ഴെ അ​ബ്ബ​ന്നൂ​ർ ഗു​ണ്ടു​ക​ൽ ആ​ദി​വാ​സി ഊ​രി​നു​ള്ളി​ലാ​ണ് 20 വ​യ​സ്സു​ള്ള കൊ​മ്പ​നാ​ന​യെ ശ​നി​യാ​ഴ്ച പു​ല​ർ​ച്ച ചെ​രി​ഞ്ഞ​നി​ല​യി​ൽ ക​ണ്ടെ​ത്തി​യ​ത്.

വെ​ള്ളി​യാ​ഴ്ച രാ​ത്രി​യാ​ണ് ആ​ന​ക്ക് ഷോ​ക്ക് ഏ​റ്റ​തെ​ന്നാ​ണ് ക​രു​തു​ന്ന​ത്. ഇ​വി​ടെ വൈ​ദ്യു​തി ലൈ​ൻ വ​ള​രെ താ​ഴ്ന്ന നി​ല​യി​ലാ​ണ്. നി​ല​ത്തു​നി​ന്ന് ര​ണ്ട​ര മീ​റ്റ​ർ മാ​ത്രം ഉ​യ​ര​ത്തി​ലാ​ണ് വൈ​ദ്യു​തി ലൈ​ൻ ക​ട​ന്നു​പോ​യി​രു​ന്ന​ത്. ഇ​താ​ണ് ആ​ന​ക്ക്​ ഷോ​ക്ക് ഏ​ൽ​ക്കാ​ൻ കാ​ര​ണ​മാ​യ​െ​ത​ന്ന് ഊ​രു​വാ​സി​ക​ൾ പ​റ​യു​ന്നു.

വെ​ള്ളി​യാ​ഴ്ച രാ​ത്രി പ്ര​ദേ​ശ​ത്ത് ആ​ന​ക്കൂ​ട്ടം ഇ​റ​ങ്ങി​യി​രു​ന്നു. ഷോ​ക്കേ​റ്റ കൊ​മ്പ​ൻ മാ​ത്ര​മാ​ണ് കോ​ള​നി​ക്കു​ള്ളി​ലേ​ക്ക് പ്ര​വേ​ശി​ച്ച​ത്. ആ​ന​ക്കൂ​ട്ടം പ്ര​ദേ​ശ​ത്ത് വ​ൻ കൃ​ഷി​നാ​ശം വ​രു​ത്തി​യി​ട്ടു​ണ്ട്. കാ​ല​ങ്ങ​ളാ​യി പ്ര​ദേ​ശ​ത്ത് സ്വൈ​ര​വി​ഹാ​രം ന​ട​ത്തി​യി​രു​ന്ന കാ​ട്ടു​കൊ​മ്പ​നാ​ണ് വൈ​ദ്യു​താ​ഘാ​ത​ത്തി​ൽ ചെ​രി​ഞ്ഞ​ത്. വൈ​ദ്യു​തി ലൈ​നി​ന്റെ ഉ​യ​രം കു​റ​വാ​കാ​നു​ള്ള കാ​ര​ണം സം​ബ​ന്ധി​ച്ച് വി​ശ​ദ​മാ​യ അ​ന്വേ​ഷ​ണം ന​ട​ത്തു​മെ​ന്ന് വ​നം വ​കു​പ്പ് അ​ധി​കൃ​ത​ർ അ​റി​യി​ച്ചു.

ആ​ന​യു​ടെ ജ​ഡം ഊ​രി​നു​ള്ളി​ൽ​നി​ന്ന് മ​ണ്ണു​മാ​​ന്തി​യ​​ന്ത്രം ഉ​പ​യോ​ഗി​ച്ച് 200 മീ​റ്റ​ർ അ​ക​ലേ​ക്ക് പോ​സ്റ്റ്മോ​ർ​ട്ട​ത്തി​ന്​ മാ​റ്റി​യി​രു​ന്നു. ഫോ​റ​സ്റ്റ് വെ​റ്റ​റി​ന​റി സ​ർ​ജ​ൻ ഡേ​വി​ഡ് എ​ബ്ര​ഹാ​മി​ന്റെ നേ​തൃ​ത്വ​ത്തി​ലാ​ണ് പോ​സ്റ്റ്മോ​ർ​ട്ട ന​ട​പ​ടി പൂ​ർ​ത്തീ​ക​രി​ച്ച​ത്. പു​തൂ​ർ റേ​ഞ്ച് ഫോ​റ​സ്റ്റ് ഓ​ഫി​സ​ർ സി.​വി. ബി​ജു, അ​ഗ​ളി റേ​ഞ്ച് ഫോ​റ​സ്റ്റ് ഓ​ഫി​സ​ർ സു​മേ​ഷ്, ​െഡ​പ്യൂ​ട്ടി റേ​ഞ്ച​ർ​മാ​രാ​യ സി.​എം. മു​ഹ​മ്മ​ദ് അ​ഷ​റ​ഫ്, കെ. ​സ​ക്കീ​ർ ഹു​സൈ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ വ​നം വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി​യി​രു​ന്നു.