ആദിവാസിയെ കാട്ടുപോത്ത് ആക്രമിച്ചു

പറമ്പിക്കുളം: റേഷനരി വാങ്ങി വരുന്നതിനിടെ ആദിവാസി യുവാവിന് കാട്ടുപോത്തിന്‍റെ ആക്രമണം. ഒറവൻപാടി കോളനിയിൽ പഴനിസ്വാമിയുടെ മകൻ അയ്യപ്പനെയാണ് (45) ഞായറാഴ്ച വൈകുന്നേരം പെരിയചോല-ഒറവൻപാടി റോഡിൽവെച്ച് കാട്ടുപോത്ത് ആക്രമിച്ചത്. തലക്ക് പരുക്കേറ്റ അയ്യപ്പനെ സഹയാത്രക്കാർ ഏഴ് കിലോമീറ്റർ തോളിൽ ചുമന്ന് തേക്കടിയിലെത്തിച്ചാണ് സേത്തുമടവഴി ജില്ല ആശുപത്രിയിലെത്തിച്ചത്.