25 ലക്ഷം ചെലവിൽ വാവൂർകുന്ന് റോഡിന് അനുമതി

പറളി: കിണാവല്ലൂരിൽനിന്നും തേനൂർ കൃഷിഭവനിലേക്കും വില്ലേജ് ഓഫിസിലേക്കും എത്താനുള്ള എളുപ്പമാർഗമായ വാവൂർകുന്ന് റോഡ് നിർമാണത്തിന് 25 ലക്ഷം രൂപ അനുവദിച്ചു. കെ. ശാന്തകുമാരി എം.എൽ.എയുടെ ആസ്തി വികസന ഫണ്ടിൽനിന്നാണ് തുക അനുവദിച്ചത്. നിലവിൽ കിണാവല്ലൂർ ഭാഗത്തുനിന്ന്​ തേനൂർ കൃഷിഭവനിൽ എത്തണമെങ്കിൽ പറളി വഴി ആറു കിലോമീറ്റർ യാത്ര ചെയ്യണം. വാവൂർകുന്ന് റോഡ് യാഥാർഥ്യമായാൽ രണ്ട് കിലോമീറ്റർ താണ്ടിയാൽ മതി.