ബസ് മരത്തിലിടിച്ച് 18 പേർക്ക് പരിക്ക്

ഷൊർണൂർ: നിയന്ത്രണം വിട്ട ബസ് റോഡിൽനിന്ന് തെന്നി മരത്തിലിടിച്ച് നിന്നു. 18 പേർക്ക് പരിക്കേറ്റു.ഇവരെ ഒറ്റപ്പാലം, വാണിയംകുളം എന്നിവിടങ്ങളിലെ സ്വകാര്യാശുപത്രികളിലേക്ക് മാറ്റി.

വ്യാഴാഴ്ച വൈകീട്ട് 6.30ന് കുളപ്പുള്ളി ഐ.പി.ടി ആൻഡ് ജി.പി.ടി കോളജിന് സമീപമാണ് അപകടം. മൂന്നു ദിവസം മുമ്പ് ഇതേസ്ഥലത്ത് വെച്ചാണ് സ്കൂട്ടർ യാത്രക്കാരൻ ബസിടിച്ച് മരിച്ചത്.