സ്വർണവില കുറഞ്ഞു; പവന്​ 35,800

മലപ്പുറം: സംസ്ഥാനത്ത്​ സ്വർണവില താഴോട്ട്​. ബുധനാഴ്​ച പവന്​ 320 രൂപ കുറഞ്ഞ്​ 35,800 രൂപയിലെത്തി. 4475 രൂപയാണ്​ ഗ്രാം വില. ആഗസ്​റ്റ്​ ഏഴിന് 42,000 രൂപ പവന്​ വിലയുണ്ടായിരുന്ന സ്വർണം ആറുമാസത്തിനിടെ 6200 രൂപ കുറഞ്ഞു. ഇൗ മാസം ഒന്നിന്​ പവന്​ 36,800 രൂപയായിരുന്നു. മൂന്നു​ ദിവസത്തിനി​െട 1000 രൂപയാണ്​ കുറഞ്ഞത്​. രണ്ടു​ മാസത്തിനിടെയുള്ള ഏറ്റവും കുറഞ്ഞ വിലയാണിത്​. ഇറക്കുമതിച്ചുങ്കം കുറച്ചതിനാലും അന്താരാഷ്​ട്ര വിലയിലുണ്ടായ കുറവും രൂപ കരുത്തായതുമാണ് വില കുറയാൻ കാരണമെന്നാണ്​ വിലയിരുത്തൽ. അന്താരാഷ്​ട്ര വില 20 ഡോളർ കുറഞ്ഞ് 1840 ഡോളറിലും രൂപയുടെ വിനിമയനിരക്ക് 72.98ലുമെത്തി. ഇറക്കുമതിച്ചുങ്കം കുറച്ചതുവഴി 100 രൂപയിൽ താഴെ മാത്രമേ വില കുറഞ്ഞിട്ടുള്ളൂവെന്നും വ്യാപാരികൾ പറഞ്ഞു.