കരിപ്പൂരിൽ 27 ലക്ഷത്തിന്‍റെ വിദേശകറൻസി പിടികൂടി

കരിപ്പൂർ: കോഴിക്കോട്​ വിമാനത്താവളത്തിൽ 27.56 ലക്ഷത്തിന്​ തുല്യമായ വിദേശകറൻസി പിടികൂടി. കാസർകോട്​ നെല്ലിക്കുന്ന്​ മറിയം വീട്ടിൽ അബ്ദുൽ റഹീമിൽനിന്നാണ്​ (66) കറൻസി കണ്ടെടുത്തത്​. ഇയാൾ കഴിഞ്ഞ ദിവസം സ്​പൈസ്​ജെറ്റ്​ വിമാനത്തിൽ ദുബൈയിലേക്ക്​ പോകുന്നതിന്​ എത്തിയതായിരുന്നു. കറൻസി അടിവസ്ത്രത്തിനുള്ളിൽ ഒളിപ്പിച്ചു കടത്താനായിരുന്നു ശ്രമം. 1,14,52 യു.എ.ഇ ദിർഹം, 24,000 സൗദി റിയാൽ, 48,000 ഇന്ത്യൻ രൂപ എന്നിവയാണ്​ കണ്ടെടുത്തത്​. സുരക്ഷ പരിശോധനയിൽ സി.ഐ.എസ്​.എഫാണ്​ കറൻസി പിടികൂടിയത്​. തുടർന്ന്​ ഇയാളെ കസ്റ്റംസിന്​ കൈമാറി. ഫോട്ടോ: mpgrf1: കോഴിക്കോട്​ വിമാനത്താവളത്തിൽ പിടികൂടിയ കറൻസി