ഹോം ഗാര്‍ഡ്സ് തെരഞ്ഞെടുപ്പ്: കായികക്ഷമത പരിശോധന 15ന്

പാലക്കാട്: ജില്ലയില്‍ ഹോം ഗാര്‍ഡ് ഒഴിവുകളിലേക്ക് മാര്‍ച്ച് ഏഴുമുതല്‍ 31 വരെ അപേക്ഷിച്ചവരില്‍ പത്താംക്ലാസ് പാസായതും ആര്‍മി മെട്രിക്കുലേഷന്‍ തത്തുല്യ യോഗ്യതയുള്ളവര്‍ക്കും ജൂണ്‍ 15ന് രാവിലെ ആറിന് പാലക്കാട് മുട്ടികുളങ്ങര കെ.എ.പി സെക്കന്‍ഡ് ബറ്റാലിയന്‍ ക്യാമ്പില്‍ സര്‍ട്ടിഫിക്കറ്റ്, കായികക്ഷമത പരിശോധന നടക്കും. അപേക്ഷകര്‍ വിദ്യാഭ്യാസ യോഗ്യത, പ്രായം, മുന്‍കാല സര്‍വിസ് എന്നിവ തെളിയിക്കുന്ന സര്‍ട്ടിഫിക്കറ്റുകളും, അസിസ്റ്റന്റ് സര്‍ജന്‍ റാങ്കുള്ള ഗവ. മെഡിക്കല്‍ ഓഫിസറില്‍നിന്ന്​ ലഭിച്ച ഫോട്ടോ പതിച്ച മെഡിക്കല്‍ ഫിറ്റ്നസ് സര്‍ട്ടിഫിക്കറ്റ്, രണ്ട് പാസ്പോര്‍ട്ട് സൈസ് ഫോട്ടോ എന്നിവ നല്‍കണം. നിശ്ചിത തീയതിയിലും സമയത്തും എത്താത്തവരെ പരിഗണിക്കില്ല. ഫോണ്‍: 0491 2505702.