കണ്ണന്നൂരിൽ മാലിന്യം തള്ളുന്നു; ദുർഗന്ധം ദുരിതമായി

തൃത്താല: തൃത്താല -പട്ടാമ്പി പാതയില്‍ കണ്ണന്നൂരിൽ മാലിന്യം കുന്നുകൂടുന്നു. ചാക്കുകളിലും കവറുകളിലുമായി അറവുശാലകളിലേയും ബാര്‍ബർ​ഷോപ്പുകളിലേയും മറ്റും അവശിഷ്ടങ്ങളാണ് കൊണ്ടിടുന്നത്. വലിയതോതില്‍ ദുര്‍ഗന്ധമാണ് ഇവിടെ അനുഭവപ്പെടുന്നത്. തെരുവുനായ്ക്കളുടെ ശല്യവും ഏറെയാണ്. ഒഴിഞ്ഞ പ്രദേശമാണെന്നതാണ് മാലിന്യം ഇവിടെ ഇടുന്നതിന് സാമൂഹികവിരുദ്ധർക്ക്​ എളുപ്പമാക്കുന്നത്. ഇവിടെ കാമറകളോ തെരുവുവിളക്കുകളോ ഇല്ല. തൊട്ടു താഴെ ഭഗവതിക്ഷേത്രമാണ്. ക്ഷേത്രത്തിലെത്തുന്നവര്‍ മാലിന്യ പ്രശ്നം കാരണം പ്രയാസപ്പെടുകയാണ്​.