പഞ്ചായത്ത് ജീവനക്കാരനെ കൈയേറ്റം ചെയ്ത കേസിലെ പ്രതികൾക്ക് തടവും പിഴയും

മണ്ണാർക്കാട്: വിധിച്ചു. മുൻഗണന ക്രമം തെറ്റിച്ച് വീട് നിർമാണ പെർമിറ്റ് അനുവദിക്കാത്തതിനെ തുടർന്ന് അഗളി ഗ്രാമപഞ്ചായത്തിലെ ജീവനക്കാരനെ മർദിക്കുകയും ചെരിപ്പുകൊണ്ട്​ അടിക്കുകയും മഷി കുടയുകയും ചെയ്ത കേസിലെ ആറു പ്രതികൾക്കാണ് മണ്ണാർക്കാട് സ്​പെഷൽ കോടതി ജഡ്​ജി കെ.എസ്. മധു ശിക്ഷ വിധിച്ചത്. അഗളി ജെല്ലിപ്പാറ ചോലക്കൽ പുത്തൻപുര സി.പി. ബാബു, അഗളി നറുകോട്ടിൽ ജംഷീർ, പരപുറ ശിവശങ്കരൻ, മട്ടത്തുകാട് രജനി നിവാസിൽ രാജേഷ്, ഭൂതിവഴി മണികണ്ഠൻ, മട്ടത്തുകാട് മാനൂർ വീട്ടിൽ സുധാകരൻ എന്നിവരെയാണ് ശിക്ഷിച്ചത്. ആറ്​ വകുപ്പുകളിലായി ഓരോ പ്രതിക്കും 3000 രൂപ വീതം പിഴയും അഞ്ച്​ മാസം വീതം തടവുമാണ് വിധിച്ചത്. പിഴയടച്ചില്ലെങ്കിൽ 55 ദിവസത്തെ അധിക തടവും കൂടി അനുഭവിക്കണം. ഈടാക്കുന്ന പിഴയിൽനിന്ന് 5000 രൂപ പരിക്കേറ്റ പഞ്ചായത്ത് ജീവനക്കാരനായ സജീഷ് കുമാറിന് നൽകാനും വിധിച്ചു. 2015 ഏപ്രിൽ 28നാണ് കേസിനാസ്പദമായ സംഭവം.