ഭൗമദിനം ആചരിച്ചു

പാലക്കാട്: ഭൗമദിനത്തോടനുബന്ധിച്ച് ജെ.സി.ഐ ഒലവക്കോടിന്റെ നേതൃത്വത്തിൽ കുട്ടികൾക്കായി പരിസ്ഥിതി ബോധവത്കരണ ക്ലാസും വൃക്ഷത്തൈ വെച്ചുപിടിപ്പിക്കലും സംഘടിപ്പിച്ചു. തേങ്കുറിശ്ശിയിൽ നടന്ന പരിപാടിയിൽ ജെ.സി.ഐ പ്രസിഡൻറ് ആർ. രജനീഷ് അധ്യക്ഷത വഹിച്ചു. വനമിത്ര അവാർഡ് ജേതാവും പരിസ്ഥിതി പ്രവർത്തകനുമാ‍യ എം. ശ്യാംകുമാർ പരിസ്ഥിതി ബോധവത്കരണവും വൃക്ഷത്തൈ വെച്ചുപിടിപ്പിക്കലും നടത്തി. എ. മുകിൽവർണൻ, എം. ജയകുമാർ, ബി. വിപിൻ, പ്രിയ ഗിരീഷ്, എം. ഗിരീഷ് എന്നിവർ സംസാരിച്ചു.