കോൺഗ്രസ് നിയോജക മണ്ഡലം നേതൃയോഗം

പാലക്കാട്: കോൺഗ്രസ് പാലക്കാട് നിയോജക മണ്ഡലം നേതൃയോഗം ഡി.സി.സി പ്രസിഡന്‍റ്​ എ. തങ്കപ്പൻ ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡന്‍റ്​ പുത്തൂർ രാമകൃഷ്ണൻ അധ്യക്ഷത വഹിച്ചു. നഗരസഭ മുൻ ചെയർപേഴ്സൻ പി.എ. രമണീഭായിയുടെ നിര്യാണത്തിൽ യോഗം അനുശോചിച്ചു. കെ.പി.സി.സി ജനറൽ സെക്രട്ടറി സി. ചന്ദ്രൻ, പിരായിരി ബ്ലോക്ക് കോൺഗ്രസ് പ്രസിഡന്‍റ്​ പി.ആർ. പ്രസാദ്, കോൺഗ്രസ് ജില്ല നേതാക്കളായ എ. ബാലൻ, എൻ. ശിവരാജൻ, സി. ബാലൻ, കെ. അപ്പു, മഹിള കോൺഗ്രസ് ജില്ല പ്രസിഡന്‍റ്​ കെ.ഐ. കുമാരി, ഐ.എൻ.ടി.യു.സി ജില്ല പ്രസിഡന്‍റ്​ ചീങ്ങനൂർ മനോജ്, പി.എച്ച്​. മുസ്തഫ, സുധാകരൻ പ്ലാക്കാട്ട്, കെ. മുകേഷ് കുമാർ, പ്രിയ കുമാരൻ, മോഹനൻ കണ്ണാടി എന്നിവർ സംസാരിച്ചു.