വന്യമൃഗ ശല്യം: കർഷക വാഹന പ്രചാരണ ജാഥ

തൃശൂർ: വന്യമൃഗ ശല്യത്തിൽനിന്ന്​ കർഷകരെയും കൃഷിയെയും സംരക്ഷിക്കണമെന്ന് ആവശ്യപ്പെട്ട്​ കർഷക കോൺഗ്രസ് ജില്ല കമ്മിറ്റി ആഭിമുഖ്യത്തിൽ 23ന്​ രാവിലെ 10ന്​ പീച്ചിയിൽ ഫോറസ്റ്റ് റേഞ്ച് ഓഫിസിന് മുന്നിൽനിന്ന് കർഷക വാഹന പ്രചാരണ ജാഥ ആരംഭിക്കുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. ഡി.സി.സി പ്രസിഡന്‍റ്​ ജോസ് വള്ളൂർ ഉദ്ഘാടനം ചെയ്യും. കർഷക കോൺഗ്രസ് ജില്ല പ്രസിഡന്‍റ്​ രവി പോലുവളപ്പിൽ അധ്യക്ഷത വഹിക്കും. യു.ഡി.എഫ് ജില്ല ചെയർമാൻ ജോസഫ് ചാലിശ്ശേരി മുഖ്യാതിഥിയാകും. ടി.വി. ചന്ദ്രമോഹൻ ജാഥ ക്യാപ്റ്റന് പതാക കൈമാറുകയും എം.പി. വിൻസെന്‍റ്​ മുഖ്യപ്രഭാഷണം നടത്തുകയും ചെയ്യും. കർഷക കോൺഗ്രസ് ജില്ല പ്രസിഡന്‍റ്​ രവി പോലുവളപ്പിലിന്‍റെ നേതൃത്വത്തിൽ പീച്ചി മുതൽ അതിരപ്പിള്ളി വരെയാണ് ജാഥ നടത്തുന്നത്. അതിരപ്പിള്ളിയിൽ സമാപനം ഉദ്ഘാടനം സനീഷ് കുമാർ ജോസഫ് എം.എൽ.എ നിർവഹിക്കും. വാർത്തസമ്മേളനത്തിൽ രവി പോലുവളപ്പിൽ, കെ.എൻ. ഗോവിന്ദൻകുട്ടി, പി.ടി. സാമുവൽ, സി.പി. ദേവസി, കെ.പി. എൽദോസ് എന്നിവർ പങ്കെടുത്തു.