സി.പി.ഐയിൽ ചേർന്നിട്ടില്ലെന്ന് വാർഡ്​ മെംബർ

തച്ചമ്പാറ: താൻ സി.പി.ഐയിൽ ചേർന്നിട്ടില്ലെന്ന്​ തച്ചമ്പാറ ഗ്രാമപഞ്ചായത്ത് ഒന്നാം വാർഡ് സ്വതന്ത്ര അംഗം അബൂബക്കർ മുച്ചീരിപ്പാടൻ എന്ന മണി. വാർഡ് വികസനം ചർച്ച ചെയ്യാൻ പോയ സമയത്ത് തനിക്ക് സി.പി.ഐ ലോക്കൽ കമ്മിറ്റി ഓഫിസിൽ സ്വീകരണം നൽകുകയായിരുന്നെന്ന് അദ്ദേഹം വ്യക്തമാക്കി. അതേസമയം, സി.പി.ഐയിൽ ചേരാൻ താൽപര്യം പ്രകടിപ്പിച്ചതുകൊണ്ടാണ്​ അബൂബക്കറിന് തച്ചമ്പാറ ലോക്കൽ കമ്മിറ്റി സ്വീകരണം ഒരുക്കിയതെന്ന്​ സെക്രട്ടറി ജോർജ് തച്ചമ്പാറ പറഞ്ഞു.