കഞ്ചാവ് കേസിൽ രണ്ടു പേർക്ക്​ തടവും പിഴയും

ATTN:KOCHI കഞ്ചാവ് കേസിൽ രണ്ടു പേർക്ക്​ തടവും പിഴയും പാലക്കാട്: കഞ്ചാവ് കടത്തിയ കേസിൽ രണ്ട്​ പേർക്ക്​ തടവും പിഴയും ശിക്ഷ. ആലുവ ഉളിയന്നൂർ ചെങ്ങമനാട് അരുൺബാബു (25), ആലുവ തുരുത്ത്​ പൊന്തിപറമ്പിൽ ജിതിൻ (24) എന്നിവരെയാണ് രണ്ടു വർഷ കഠിന തടവിനും, 10,000 രൂപ പിഴയടക്കാനും സെക്കന്‍റ്​ അഡീഷനൽ കോടതി ജഡ്​ജ്​ സ്മിത ജോർജ്​ ശിക്ഷിച്ചത്. പിഴയടച്ചില്ലെങ്കിൽ രണ്ടുമാസം അധിക കഠിന തടവ് അനുഭവിക്കണം. 2016 മേയ് എട്ടിന് വാളയാർ ചെക്ക്​പോസ്റ്റിന് സമീപം വാഹന പരിശോധനക്കിടെ രണ്ടു കിലോ ഉണക്ക കഞ്ചാവാണ്​ പ്രതികളിൽ നിന്നും കണ്ടെടുത്തത്. എക്സൈസ് സ്പെഷ്യൽ സ്ക്വാഡ് രജിസ്റ്റർ ചെയ്ത കേസിൽ അന്നത്തെ എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ എം. രാകേഷാണ് അന്വേഷണം നടത്തി അന്തിമ റിപ്പോർട്ട് നൽകിയത്. പ്രോസിക്യൂഷനുവേണ്ടി അഡി. പബ്ലിക് പ്രോസിക്യൂട്ടർ കെ.എം. മനോജ്കുമാർ ഹാജരായി.