മരം വീണ് നെല്ലിയാമ്പതിയിൽ ഗതാഗത തടസ്സം പതിവ്

നെല്ലിയാമ്പതി: പോത്തുണ്ടി-നെല്ലിയാമ്പതി റോഡിൽ മരം വീണ് ഗതാഗത തടസ്സം പതിവാകുന്നു. തുടർച്ചയായ രണ്ടാം ദിവസമാണ് കൈകാട്ടിക്കടുത്ത് മരം വീണ് ഗതാഗതം മുടങ്ങിയത്. ടൂറിസ്റ്റുകളുടേതുൾപ്പെടെ നിരവധി വാഹനങ്ങൾ വഴിയിൽ കുടുങ്ങി. അഗ്നിരക്ഷ സേനയും മറ്റും എത്തി മണിക്കൂറുകൾക്ക്​ ശേഷമാണ് ഗതാഗതം പൂർവസ്ഥിതിയിലാകുന്നത്. നെല്ലിയാമ്പതി റോഡരികിൽ യാത്രക്ക് ഭീഷണിയാവുന്ന മരങ്ങൾ മുറിച്ചുനീക്കണമെന്നാണ്​ യാത്രക്കാരുടെ ആവശ്യം.