സംസ്ഥാന സംഗമം

മണ്ണാര്‍ക്കാട്: റിട്ട. അറബിക് ടീച്ചേഴ്‌സ് ഫെഡറേഷന്‍റെ രണ്ടാം മാര്‍ച്ച് 24ന് മണ്ണാര്‍ക്കാട് നടക്കുമെന്ന്​ സ്വാഗതസംഘം ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. 'ഒരുമയാണ്​ നന്മ' പ്രമേയമാക്കി നടക്കുന്ന സമ്മേളനം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. നഗരസഭ ചെയര്‍മാന്‍ സി. മുഹമ്മദ് ബഷീര്‍ അധ്യക്ഷനാകും. ഷാഫി പറമ്പില്‍ എം.എല്‍.എ മുഖ്യാതിഥിയായിരിക്കും. അറബിക്​ ഭാഷ സാഹിത്യ പ്രചാരണ ഭാഗമായി പ്രസിദ്ധീകരിക്കുന്ന അല്‍ബുഷ്‌റ സ്‌പെഷല്‍ പതിപ്പ് പ്രകാശനം ഡോ. പി. ഉണ്ണീന്‍ നിര്‍വഹിക്കും. പി.കെ. സെയ്തു മാസ്റ്റര്‍ ഏറ്റുവാങ്ങും. നാനൂറോളം പ്രതിനിധികള്‍ പങ്കെടുക്കുന്ന പ്രതിനിധി സമ്മേളനം മുന്‍ എം.എല്‍.എ കളത്തില്‍ അബ്ദുല്ല ഉദ്ഘാടനം ചെയ്യും. മുസ്​ലിം ലീഗ് നേതാക്കള്‍, അധ്യാപക, വിദ്യാർഥി, തൊഴിലാളി സംഘടന നേതാക്കള്‍, ജനപ്രതിനിധികള്‍ തുടങ്ങിയവര്‍ സെഷനുകളില്‍ പങ്കെടുക്കുമെന്നും ഭാരവാഹികള്‍ പറഞ്ഞു. വാര്‍ത്തസമ്മേളനത്തില്‍ സ്വാഗത സംഘം വര്‍ക്കിങ്​ ചെയര്‍മാന്‍ ടി.എ. സലാം, സി.എച്ച്. ഹംസ, എ. മൊയ്തീന്‍, മുഹമ്മദലി വെട്ടത്തൂർ, മൂസക്കുട്ടി, വി.പി. അസീസ്, സി.ടി. കുഞ്ഞയമ്മു എന്നിവര്‍ പങ്കെടുത്തു.