കരിപ്പൂർ: സന്ദർശക ഗാലറിയിൽ ഇന്ന്​ മുതൽ പ്രവേശനം

കരിപ്പൂർ: കോഴിക്കോട്​ വിമാനത്താവളത്തിൽ സന്ദർശക ഗാലറിയിലേക്ക്​ ചൊവാഴ്ച മുതൽ പ്രവേശനം അനുവദിക്കും. കോവിഡിനെ തുടർന്ന്​ നിർത്തിവെച്ചതായിരുന്നു​. 100 രൂപയാണ്​ പ്രവേശന നിരക്ക്​. അന്താരാഷ്​​ട്ര ടെർമിനലിൽ പുറപ്പെടൽ ഏരിയയിലെ സന്ദർശക മേഖലയിലേക്കാണ്​ പ്രവേശനം അനുവദിക്കുക. അഞ്ച്​ വയസ്സിന്​ മുകളിലുള്ളവർക്ക്​ ടിക്കറ്റ്​ എടുക്കണം. നാല്​ മണിക്കൂറാണ്​ സമയപരിധി. അകത്തേക്ക്​ പ്രവേശിക്കുമ്പോൾ അംഗീകൃത തിരിച്ചറിയൽ കാർഡ്​ കാണിക്കണം.