അധ്യാപകർക്ക്​ യാത്രയയപ്പ്​

അലനല്ലൂർ: എടത്തനാട്ടുകര ടി.എ.എം.യു.പി സ്കൂളിൽനിന്ന്​ വിരമിക്കുന്ന പ്രധാനാധ്യാപകൻ എൻ. ഉമ്മർ ഖത്താബ്, അധ്യാപകരായ എം.കെ. അലി, എൻ.കെ. ഇന്ദിര എന്നിവർക്ക് യാത്രയയപ്പ് നൽകി. എടത്തനാട്ടുകര ഓർഫനേജ് സ്കൂൾസ് കോഓപറേറ്റിവ് മാനേജർ പി. അബൂബക്കർ മാസ്റ്റർ ഉദ്ഘാടനം ചെയ്തു. പി.ടി.എ പ്രസിഡന്‍റ്​ ടി.പി. മൻസൂർ അധ്യക്ഷത വഹിച്ചു. മണ്ണാർക്കാട് ഉപജില്ല വിദ്യാഭ്യാസ ഓഫിസർ ഒ.ജി. അനിൽകുമാർ മുഖ്യാതിഥിയായി. വിരമിക്കുന്ന അധ്യാപകർക്കുള്ള ഉപഹാര സമർപ്പണം സ്കൂൾ മാനേജ്മെന്‍റ്​ കമ്മിറ്റി പ്രസിഡന്‍റ്​ പി.എം.എ. സലാം ഹാജി നിർവഹിച്ചു. യുവഭാവനയുടെ ഉപഹാരങ്ങൾ ഹനീഫ മാന്തോണി, ജാഫർ തോണിക്കടവൻ, സിയാസ് എന്നിവർ സമ്മാനിച്ചു. കെ. റംല, ടി.പി. സഷീർ, ടി.കെ. അഷ്റഫ്, ടി.പി. ലബീബ എന്നിവർ സംസാരിച്ചു. വിരമിക്കുന്ന അധ്യാപകർ മറുപടി പ്രസംഗം നടത്തി.