ചാരിറ്റബ്​ൾ സൊസൈറ്റിയുടെ മറവിൽ വെട്ടിപ്പെന്ന്​ പരാതി

പാലക്കാട്​: ശേഖരീപുരം കേന്ദ്രീകരിച്ച്​ പ്രവർത്തിച്ചു​ വരുന്ന ഗ്രീൻ ചാരിറ്റബ്​ൾ സൊസൈറ്റിയിൽ നിക്ഷേപ തട്ടിപ്പെന്ന ആരോപണവുമായി സൊസൈറ്റി പ്രസിഡന്‍റ്​ രംഗ​ത്ത്​. പട്ടികജാതി, പട്ടികവർഗ വിഭാഗക്കാരുടെ ഉന്നമനം ലക്ഷ്യമിട്ട്​ ആരംഭിച്ച സൊസൈറ്റിയുടെ നേതൃത്വത്തിലാണ്​ മെഡിക്കൽ കോളജിൽ കാന്‍റീൻ പ്രവർത്തിച്ചിരുന്നത്​. എന്നാൽ, സംഘം രജിസ്റ്ററിലെ ബൈലോ പ്രകാരമുള്ള വ്യവസ്ഥകൾ ലംഘിച്ച്​ രക്ഷാധികാരിയായ വി.കെ. ഷാജിയും കുടുംബവും ബോർഡ്​ അംഗങ്ങളിൽനിന്ന്​ വൻ തുക കൈക്കലാക്കിയതായി സൊസൈറ്റി പ്രസിഡന്‍റ്​​ ഡോ. വിശ്വനാഥൻ വാർത്തസമ്മേളനത്തിൽ ആരോപിച്ചു. സൊസൈറ്റിയുടെ അധികാരങ്ങൾ എല്ലാം രക്ഷാധികാരിയിൽ കേ​ന്ദ്രീകരിച്ച നിലയിലായിരുന്നു പ്രവർത്തനം. സൊസൈറ്റിക്ക്​ സ്വന്തമായി ഫ്ലാറ്റുകളും ഏക്കറുകണക്കിന്​ ഭൂമിയും ഉണ്ടെന്നും സർക്കാറിൽനിന്ന് അനുവദിച്ച​ ഫണ്ട്​ ലഭിച്ചാലുടൻ തുക തിരിച്ചുനൽകുമെന്നും പറഞ്ഞ്​ വി.കെ. ഷാജിയും ഭാര്യയും ചേർന്ന്​ തെറ്റിദ്ധരിപ്പിച്ച്​ പണം തട്ടിയെടുക്കുകയായിരുന്നു. നിരവധി ദലിതർ ഇത്തരത്തിൽ പണം നൽകി വഞ്ചിതരായിട്ടുണ്ട്​. മെഡിക്കൽ കോളജിൽ കാന്‍റീൻ നടത്തിയ വകയിൽ കൂലി കിട്ടാത്ത തൊഴിലാളികൾ നിലവിൽ ലേബർ ഓഫിസറെ സമീപിച്ചിരിക്കുകയാണ്​. വിശദാംശങ്ങൾ ഉൾപ്പെടുത്തി വിജിലൻസ്​ എസ്​.പിക്ക്​ പരാതി നൽകിയതായും ഡോ. വിശ്വനാഥൻ പറഞ്ഞു. സൊസൈറ്റി സെൻട്രൽ സെക്ര​ട്ടേറിയറ്റ്​ അംഗം എ. മണികണ്ഠൻ, മാനേജർ സി.സി. അരുൺ, ബോർഡ്​ അംഗം തങ്കമണി, വിളയോടി ശിവൻ കുട്ടി എന്നിവർ വാർത്തസമ്മേളനത്തിൽ പ​ങ്കെടുത്തു. INNER BOX ആരോപണങ്ങൾ കെട്ടിച്ചമച്ചതെന്ന്​ വി.കെ. ഷാജി തനിക്കും കുടുംബത്തിനുമെതിരെ ഉയർന്ന ആരോപണങ്ങൾ ചില നിക്ഷിപ്ത താൽപര്യക്കാർ കെട്ടിച്ചമച്ചതാണെന്ന്​ വി.കെ. ഷാജി മാധ്യമത്തോട്​ പറഞ്ഞു. ബൈലോ പ്രകാരമല്ലാ​തെ സൊസൈറ്റി പ്രവർത്തിച്ചിട്ടില്ല. സംഘത്തിന്‍റെ നിലനിൽപിനെ കരുതിയാണ്​ രക്ഷാധികാരിയിലേക്ക്​ അധികാരം ​കേന്ദ്രീകരിച്ചത്. വിഷയത്തിൽ ​നിയമനടപടി സ്വീകരിക്കുമെന്നും ഷാജി പറഞ്ഞു.