ഓട്ടോയും സ്കൂട്ടറും കൂട്ടിയിടിച്ച് അമ്മക്കും മകനും പരിക്ക്

വടക്കഞ്ചേരി: വടക്കഞ്ചേരി കിഴക്കഞ്ചേരി റോഡിൽ . ശനിയാഴ്ച ഉച്ചക്ക്​ പന്ത്രണ്ടരയോടെയാണ് അപകടം. കിഴക്കഞ്ചേരി ഇളങ്കാവ് കൊപ്പത്ത് വീട്ടിൽ സുനിലിന്‍റെ ഭാര്യ സജിത (38), മകൻ ജിബിൽ (15) എന്നിവർക്കാണ് പരിക്കേറ്റത്. ഇവരെ നെന്മാറയിലെ സ്വകാര്യ ആശുപത്രിയിൽ പ്രവേശിപ്പിച്ചു. കിഴക്കഞ്ചേരി ഭാഗത്തേക്ക് പോവുകയായിരുന്ന ഓട്ടോയെ സ്കൂട്ടർ മറികടക്കാൻ ശ്രമിക്കുന്നതിനിടെയാണ് അപകടം സംഭവിച്ചത്. സ്കൂട്ടർ യാത്രികർക്കാണ് പരിക്കേറ്റത്.