കുടുംബ വഴക്കിനിടെ യുവാവ്​ മരിച്ച സംഭവം: ബന്ധു റിമാൻഡിൽ

വടക്കഞ്ചേരി: കുടുംബ വഴക്കിനിടെ യുവാവ്​ മരിച്ച സംഭവത്തിൽ ബന്ധുവിനെ റിമാൻഡ്​ ചെയ്തു. മേരിഗിരി രക്കാണ്ടിയിൽ കുടുംബവഴക്കിനിടെ തലക്കടിയേറ്റ് ശിവൻ (48) മരിച്ച കേസിലാണ്​ പിതൃസഹോദര പുത്രൻ രതീഷിനെ (30) റിമാൻഡ്​ ചെയ്തത്. വ്യാഴാഴ്ച രാത്രി ഒമ്പതോടെ വീട്ടിൽ മദ്യപിച്ച് ബഹളമുണ്ടാക്കിയ ശിവനെ അയൽപക്കത്ത് താമസിക്കുന്ന രതീഷ് വടി കൊണ്ട് അടിക്കുകയായിരുന്നുവെന്നാണ്​ കേസ്​. പ്രതിയെ തെളിവെടുപ്പിന് ശേഷം കോടതിയിൽ ഹാജരാക്കി റിമാൻഡ്​ ചെയ്തു. പടം