കനാൽ പാലത്തിന് കൈവരിയില്ലാത്തത്​ അപകട ഭീഷണി

പത്തിരിപ്പാല: പതിനാലാം മൈൽ അകലൂർ കാവ് റോഡിൽ കനാൽ പാലത്തിന് കൈവരിയില്ലാത്തത് അപകട ഭീഷണിയാകുന്നു. ദിവസവും നൂറുകണക്കിന് വാഹനങ്ങൾ കടന്നുപോകുന്ന റോഡിൽ വാഹനങ്ങൾ അരികുചേർന്ന് വന്നാൽ അപകടം ഉറപ്പാണെന്ന്​ നാട്ടുകാർ പറയുന്നു. സമീപത്തെ കനാലിന്​ നാലു മീറ്ററോളം താഴ്ചയുണ്ട്​. നിരവധി വാഹനങ്ങൾ ഇവിടെ അപകടത്തിൽ പെട്ടിട്ടുണ്ട്​. നിർമാണ സമയത്ത് സ്ഥാപിച്ച കൈവരി കാലവർഷക്കെടുതിയിൽ പാടെ തകരുകയായിരുന്നു​. പുനർനിർമിക്കാൻ നാട്ടുകാർ പലതവണ ജലസേചന വകുപ്പിനെ സമീപിച്ചെങ്കിലും നടപടിയുണ്ടായില്ല. അടിയന്തരമായി പുതിയ കൈവരി സ്ഥാപിക്കണമെന്നാണ്​ നാട്ടുകാരുടെ ആവശ്യം. ചിത്രം PEW PTPL 2- അകലൂർ ക്ഷേത്രം റോഡിലെ കൈവരിയില്ലാത്ത കനാൽ പാലം