ടിപ്പറുകളുടെ വേഗത നിയന്ത്രിക്കണമെന്ന് രക്ഷിതാക്കൾ

പുതുനഗരം: സ്കൂൾ സമയങ്ങളിൽ പുതുനഗരത്ത് . അഞ്ച് വിദ്യാഭ്യാസ സ്ഥാപനങ്ങൾ പ്രവർത്തിക്കുന്ന ടൗണിൽ സ്കൂൾ സമയങ്ങളിലെ ടിപ്പറുകൾ വേഗത്തിൽ കടക്കുന്നതിനാൽ ഒരാഴ്ചക്കിടെ നാല് അപകടങ്ങൾ ഉണ്ടായി. മുസ്​ലിം ഹൈസ്കൂളിന്​ മുന്നിൽ ഹോം ഗാർഡുകളുടെ മുന്നറിയിപ്പ് അവഗണിച്ചാണ് സ്കൂൾ സമയങ്ങളിൽ ടിപ്പറുകൾ കടക്കുന്നത്. നിയമം ലംഘിക്കുന്ന ടിപ്പറുകൾ വഴിയാത്രക്കാർക്ക് അപകടം വരുത്തുന്നതിനാൽ അടിയന്തര മായി പൊലീസ് നിയമനടപടികൾ സ്വീകരിക്കണമെന്നാണ് നാട്ടുകാരുടെയും പി.ടി.എ അംഗങ്ങളുടെയും ആവശ്യം.