വടക്കഞ്ചേരി പാളയത്തിന് സമീപം വൻ അഗ്​നിബാധ

വടക്കഞ്ചേരി: വടക്കഞ്ചേരി പാളയത്തിന് സമീപം വൻ അഗ്നിബാധ. ആറേക്കറോളം പൈനാപ്പിൾ തോട്ടമാണ്​ കത്തിനശിച്ചത്​. പാളയത്തിന് സമീപം സ്ഥലം പാട്ടത്തിനെടുത്ത് കൃഷി ചെയ്യുന്ന ചെന്നൈയിൽ താമസിക്കുന്ന ജോൺസന്‍റെ കൃഷിയിടത്തിലാണ് തീപിടിത്തമുണ്ടായത്. ബുധനാഴ്ച പകൽ മൂന്ന് മണിയോടെയായിരുന്നു സംഭവം. വടക്കഞ്ചേരിയിൽ നിന്നും ആലത്തൂരിൽ നിന്നും അഗ്​നിരക്ഷാസേന എത്തിയാണ് തീയണച്ചത്. മൂന്ന് ലക്ഷത്തോളം രൂപയുടെ നഷ്ടം കണക്കാക്കുന്നു. വേനൽച്ചൂട് കനക്കുന്നതോടെ വിവിധ പ്രദേശങ്ങളിൽ തീപിടിത്തം വ്യാപകമായിരിക്കുകയാണ്.