മേലാമുറി റോഡിൽ യാത്രക്കാരുടെ നടുവൊടിച്ച് കുഴികൾ

പാലക്കാട്: മേലാമുറി ജങ്​ഷനിൽ യാത്രക്കാരുടെ നടുവൊടിച്ച്​ റോഡിന്​ നടുവിൽ കുഴി. മേലാമുറി ജങ്​ഷനിൽ ബസ് കാത്തിരിപ്പുകേന്ദ്രത്തിന്​ സമീപവും മേപ്പറമ്പ്​ ഭാഗത്തു നിന്നു വരുന്ന വാഹനങ്ങൾ മേഴ്സി കോളജ് റോഡിലേക്ക്​ തിരിയുന്നിടത്തുമാണ്​ കുഴി രൂപപ്പെട്ടത്. രാത്രി ഇതുവഴി വരുന്ന വാഹനങ്ങൾ കുഴിയിൽ ചാടി അപകടം പതിവാണെന്ന്​ നാട്ടുകാർ പറയുന്നു. ഇരുചക്രവാഹനയാത്രക്കാരടക്കമുള്ളവർ പലപ്പോഴും ഇവിടത്തെ കുഴികളിൽ തെന്നിവീഴാറുണ്ട്​. നഗരസഭയുടെ നേതൃത്വത്തിൽ അടുത്തിടെ കുഴികൾ അടച്ചെങ്കിലും ഏതാനും ദിവസം കൊണ്ട്​ റോഡ്​ പഴയപടി കുണ്ടും കുഴിയുമായതായി സമീപത്തെ വ്യാപാരികൾ പറഞ്ഞു. പ്രധാന റോഡിലെ കുഴിയടക്കാൻ നടപടി തേടി അധികൃതരെ സമീപിക്കാനൊരുങ്ങുകയാണ്​ പരിസരവാസികൾ. pew pkd01 മേലാമുറി ജങ്​ഷനിൽ റോഡിന്​ നടുവിൽ രൂപപ്പെട്ട കുഴി