പുതുനഗരത്ത് അമോണിയം കലർന്ന മത്സ്യം പിടികൂടി നശിപ്പിച്ചു

പുതുനഗരത്ത് അമോണിയം കലർന്ന മത്സ്യം പിടികൂടി പുതുനഗരം: പുതുനഗരം മത്സ്യ മാർക്കറ്റിൽ നിന്ന്​ അമോണിയ കലർന്ന മത്സ്യം പിടിച്ചെടുത്ത് നശിപ്പിച്ചു. ഭക്ഷ്യ സുരക്ഷ വകുപ്പും ഫിഷറീസ് വകുപ്പും സംയുക്തമായി നടത്തിയ പരിശോധനയിൽ 375 കിലോ മത്സ്യമാണ്​ പിടികൂടിയത്. ശനിയാഴ്ച രാവിലെയായിരുന്നു പരിശോധന. ആന്ധ്രയിൽ നിന്നും കൊണ്ടുവന്ന മത്സ്യം ശാസ്ത്രീയമായി പരിശോധിച്ചപ്പോഴാണ്​ അമോണിയം കലർന്നത് കണ്ടെത്തിയതെന്ന്​ ഫുഡ്‌ സേഫ്റ്റി അസി. കമീഷണർ വി.കെ. പ്രദീപ്കുമാർ പറഞ്ഞു. തുടർ ദിവസങ്ങളിലും പരിശോധനയുണ്ടാകുമെന്നും മത്സ്യം കേടുവരാതിരിക്കാൻ രാസവസ്തുക്കൾ ഉപയോഗിക്കുന്നവർക്കെതിരെ കർശന നടപടി ഉണ്ടാകുമെന്നും അധികൃതർ പറഞ്ഞു. ഫുഡ്‌ സേഫ്റ്റി ഓഫിസർ ആർ. ഹേമയും ഫിഷറീസ് വകുപ്പ് ഉദ്യോഗസ്ഥരും പരിശോധനയിൽ പങ്കെടുത്തു. pew-klgd പുതുനഗരം മത്സ്യ മാർക്കറ്റിൽ നിന്ന്​ പിടികൂടിയ അമോണിയ കലർന്ന മത്സ്യം