കുലുക്കല്ലൂരിൽ ജൽജീവൻ രണ്ടാംഘട്ടത്തിന് തുടക്കം

കുലുക്കല്ലൂരിൽ ജൽജീവൻ രണ്ടാം ഘട്ടത്തിന് തുടക്കം പട്ടാമ്പി: കുലുക്കല്ലൂർ പഞ്ചായത്തിൽ ജലജീവൻ മിഷൻ പദ്ധതി രണ്ടാം ഘട്ടം ആരംഭിച്ചു. രണ്ടാം ഘട്ടത്തിൽ 2370 ഗാർഹിക കണക്​ഷൻ നൽകുന്ന പദ്ധതിയാണിത്. 10 കോടി 51 ലക്ഷം രൂപയുടെ ഭരണാനുമതി ലഭിച്ചതായി മുഹമ്മദ് മുഹ്സിൻ എം.എൽ.എ അറിയിച്ചു. വിതരണ ശൃംഖലയിൽ ഉൾപ്പെടുത്തി 356 ഗാർഹിക കണക്​ഷൻ നൽകുന്ന മൂന്നാം ഘട്ടത്തിനുള്ള മൂന്ന് കോടി 42 ലക്ഷത്തിന്റെ ഭരണാനുമതി ലഭിച്ചതായും എം.എൽ.എ പറഞ്ഞു. പദ്ധതി പുരോഗതി വിലയിരുത്താൻ എം.എൽ.എയുടെ നേതൃത്വത്തിൽ പഞ്ചായത്തിൽ അവലോകന യോഗവും ചേർന്നു.