കനാൽ റോഡിലെ മാലിന്യം നീക്കി

മങ്കര: മങ്കര പൊലീസ് സ്റ്റേഷന്​ സമീപമുള്ള കനാൽ റോഡിലെ മാലിന്യം വാർഡംഗം ഇ.പി. സുരേഷിന്‍റെ നേതൃത്വത്തിൽ നീക്കി. ജനവാസ മേഖലയിൽ മാലിന്യം കെട്ടിക്കിടന്നതോടെ നാട്ടുകാർ പരാതിയുമായി രംഗത്തെത്തിയിരുന്നു. തുടർന്നാണ്​ വാർഡ് മെംബറും സ്റ്റാൻഡിങ്​ കമ്മിറ്റി ചെയർമാനുമായ ഇ.പി. സുരേഷിന്റെ നേതൃത്വത്തിൽ സി.പി.എം-ഡി.വൈ.എഫ്.ഐ പ്രവർത്തകർ മാലിന്യം നീക്കിയത്. കോൺഗ്രസ്​ ഭരിക്കുന്ന പഞ്ചായത്തിൽ പരാതി നൽകി നാട്ടുകാർ മാസ​ങ്ങളോളം കാത്തിരിന്നിട്ടും നടപടിയില്ലാതായതോടെയാണ്​ സ്വന്തം ചെലവിൽ ഇവ നീക്കിയതെന്ന്​ സുരേഷ് പറഞ്ഞു. ചിത്രം - PEW PTPL 2 മങ്കര പഞ്ചായത്തംഗം ഇ.പി. സുരേഷിന്റെ നേതൃത്വത്തിൽ കനാൽ പാതയിലെ മാലിന്യം നീക്കുന്നു