കാട്ടുപന്നി ആക്രമണത്തിൽ യുവാവിന് പരിക്ക്

മംഗലംഡാം: കാട്ടുപന്നിയുടെ ആക്രമണത്തിൽ യുവാവിന് പരിക്ക്. മംഗലംഡാം വി.ആർ.ടി മുടക്കൊഴ പുരുഷന്റെ മകൻ രംജിത്തിനാണ്​ (33) പരിക്കേറ്റത്. ഞായറാഴ്ച രാത്രി എട്ടരയോടെയാണ് സംഭവം. വി.ആർ ടി യിലേക്ക് ബൈക്കിൽ പോകുന്ന വഴി സി.വി.എം കുന്നിന്റെ ആദ്യവളവിലാണ്​ സംഭവവം. നാട്ടുകാരുടെ സഹായത്തോടെ മംഗലംഡാം സ്വാകാര്യ ആശുപത്രിയിലെത്തിച്ച യുവാവിനെ പിന്നീട്​ ആലത്തൂർ താലൂക്ക് ആശുപത്രിയിലേക്ക് മാറ്റി. പ്രദേശത്ത് കാട്ടുപന്നി ഭീഷണി കൂടി വരുന്നതായി നാട്ടുകാർ പറഞ്ഞു.