കണ്ണനൂർകടവ് താൽക്കാലിക പാതയിൽ ലോറി കുടുങ്ങി ഗതാഗതം സ്തംഭിച്ചു

പല്ലശ്ശന: കൊല്ലങ്കോട്-കുനിശേരി റോഡിൽ കണ്ണനൂർകടവ് ഗായത്രിപ്പുഴക്ക്​ കുറുകെ നിർമിച്ച താൽക്കാലിക പാതയിൽ ലോറി കുടുങ്ങി ഗതാഗതം സ്തംഭിച്ചു. എറണാകുളത്തുനിന്ന്​ സേല​ത്തേക്ക് പ്ലൈവുഡുമായി വന്ന ലോറിയാണ് ചെറുവാഹനങ്ങൾ കടക്കുന്നതിനായി മണ്ണുപയോഗിച്ച് നിർമിച്ച പാതയിൽ ശനിയാഴ്ച പുലർച്ച മൂന്നോടെ അകപ്പെട്ടത്. കണ്ണനൂർകടവ് പാലം പൊളിച്ച് പുതിയ പാലം നിർമിക്കുന്നതിന്‍റെ ഭാഗമായാണ് താൽക്കാലിക മണ്ണ് പാത നിർമിച്ചത്. ഭാരം കൂടുതലുള്ള ലോറിയുടെ ചക്രങ്ങൾ മണ്ണിൽ താഴ്ന്ന്​ ഗതാഗതം പൂർണമായി സ്തംഭിച്ചു. ശനിയാഴ്ച രാത്രി ഏഴരക്കും ലോറി പുറത്തെടുക്കാൻ ക്രെയിൻ ഉപയോഗിച്ചുള്ള ശ്രമം തുടർന്നു. PEW-KLGD കണ്ണനൂർകടവിൽ താൽക്കാലിക പാതയിൽ കുടുങ്ങിയ ലോറി കരക്കെത്തിക്കാൻ യന്ത്രസഹായത്താൽ ശ്രമം നടക്കുന്നു