പൊതുശ്മശാനത്തിനരികെ മാലിന്യം തള്ളി

പെരിങ്ങോട്ടുകുറുശ്ശി: പഞ്ചായത്തിലെ പൊതുശ്മശാന പരിസരത്ത് മാലിന്യം തള്ളിയതിനെതിരെ പ്രദേശവാസികൾ. പെരിങ്ങോട്ടുകുറുശ്ശി-തിരുവില്വാമല പ്രധാന പാതയോരത്ത് തോട്ട് മുക്കിൽ പൊതുശ്മശാനമായ ശാന്തീവനം കവാട പരിസരത്താണ് രാത്രി മാലിന്യം തള്ളിയത്. ഇത്​ അഴുകി ദുർഗന്ധം രൂക്ഷമായതോടെ തെരുവുനായ്ക്കളും തമ്പടിച്ചതായി നാട്ടുകാർ പറയുന്നു. പൊതുസ്ഥലത്ത്​ മാലിന്യം തള്ളിയവർക്കെതിരെ നടപടിയെടുക്കണമെന്നാണ് നാട്ടുകാരുടെ ആവശ്യം.