മണി ചെയിൻ തട്ടിപ്പുകൾ പെരുകുന്നെന്ന്​

ചെർപ്പുളശ്ശേരി: ഓൺലൈൻ ബിസിനസ് കമ്പനികളുടെ മണി ചെയിൻ മാതൃകയിലുള്ള വ്യാപാര തട്ടിപ്പുകൾ ചെർപ്പുളശ്ശേരിയിലും പരിസര പ്രദേശങ്ങളിലും വ്യാപകമാകുന്നു. സൂം മീറ്റിങ് വഴി ആളുകളെ സമീപിച്ച് നിക്ഷേപത്തിന് പ്രേരിപ്പിക്കുന്ന രീതിയിലാണ് തട്ടിപ്പ്. വൻകിട ഹോട്ടലുകളിലെ മീറ്റിങ് ചിത്രങ്ങളും മറ്റും ഉപയോഗപ്പെടുത്തിയാണ് തട്ടിപ്പ്​. കഴിഞ്ഞ ദിവസം തട്ടിപ്പിനിരയായ കോതകുറുശ്ശി സ്വദേശിയുടെ പരാതിയിൽ കേസെടുത്ത് അന്വേഷണം ആരംഭിച്ചതായി ചെർപ്പുളശ്ശേരി പൊലീസ്​ പറഞ്ഞു.