ലഹരിക്കെതിരെ ബോധവൽക്കരണം

ലഹരിക്കെതിരെ ബോധവത്​കരണം പിരായിരി: പാലക്കാട്‌ നോർത്ത് ജനമൈത്രി പൊലീസ്​ നേതൃത്വത്തിൽ ഒന്നാം വാർഡ് വാരാമ്പള്ളം ശാന്തിഗ്രാമിൽ ബോധവത്കരണ ക്ലാസ് നടത്തി. പഞ്ചായത്തംഗം സിത്താര ശശി അധ്യക്ഷത വഹിച്ചു. നോർത്ത് പൊലീസ് എ.എസ്​.ഐ ആനന്ദ്, ബീറ്റ് പൊലീസ് ഓഫിസർമാരായ ശിവകുമാർ, ലത്തീഫ്, സീനിയർ പൊലീസ് ഓഫിസർമാരായ രവീന്ദ്രൻ, പ്രജീഷ് എന്നിവർ ബോധവത്​കരണ ക്ലാസ് നടത്തി. പൊതുസമൂഹത്തിൽ നടക്കുന്ന കുറ്റകൃത്യങ്ങൾ, മദ്യം, മറ്റ് ലഹരി ഉപയോഗം, തുടർന്നുണ്ടാകുന്ന കുടുംബവഴക്കുകൾ തുടങ്ങിയ വിഷയങ്ങളിലാണ് ക്ലാസ് നടത്തിയത്.