കോണ്‍ഗ്രസ് പദയാത്ര

കോൺഗ്രസ് പദയാത്ര കൂറ്റനാട്: നാഗലശ്ശേരി മണ്ഡലം കോൺഗ്രസ് കമ്മിറ്റി ആഭിമുഖ്യത്തിൽ പിലാക്കാട്ടിരിയിൽ നിന്ന്​ മതുപ്പുള്ളിയിലേക്ക് പദയാത്ര നടത്തി. കെ.പി.എം ഷരീഫ് ക്യാപ്റ്റനായ ജാഥ പിലാക്കാട്ടിരിയിൽ പട്ടിത്തറ ഗ്രാമപഞ്ചായത്ത് പ്രസിഡന്‍റ്​ പി. ബാലൻ ഉദ്‌ഘാടനം ചെയ്തു. മതുപ്പുള്ളിയിൽ സമാപന സമ്മേളനം ഡി.സി.സി ജനറൽ സെക്രട്ടറി പി. മാധവദാസ് ഉദ്ഘാടനം ചെയ്തു. പഞ്ചായത്ത് മെംബർ സലീം അധ്യക്ഷത വഹിച്ചു. Pew ank( പദയാത്ര) ( സമാപന സമ്മേളനം പി. മാധവദാസ് ഉദ്ഘാടനം ചെയ്യുന്നു) ഭാരതപ്പുഴ സംരക്ഷണം: നിവേദനം നൽകി ആനക്കര: ഭാരതപ്പുഴ സംരക്ഷണത്തിനായി വിവിധ ആവശ്യങ്ങൾ ഉന്നയിച്ച് കുമ്പിടി പരിസ്ഥിതി സംരക്ഷണ കൂട്ടായ്മ ആനക്കര പഞ്ചായത്ത് പ്രസിഡന്‍റിന്​ നിവേദനം നൽകി. ഭാരതപ്പുഴയുടെ തീരങ്ങൾ സംരക്ഷിച്ച്​ നദിയുടെ പാരിസ്ഥിതിക സന്തുലനം നിലനിർത്താൻ പഞ്ചായത്ത്​ അടിയന്തര നടപടികൾ കൈക്കൊള്ളണമെന്നാവശ്യപ്പെട്ടാണ് നിവേദനം. പുഴയുടെ സമീപ പ്രദേശങ്ങളിൽ താമസിക്കുന്നവരുടെ യോഗം ഉടൻതന്നെ വിളിച്ചു ചേർത്ത് പുഴ സംരക്ഷണത്തിനായി വിവിധ നടപടികൾ സ്വീകരിക്കുമെന്ന് പഞ്ചായത്ത് പ്രസിഡന്‍റ്​ കെ. മുഹമ്മദ് അറിയിച്ചു. വാർഡ്​ അംഗം ഗിരിജ മോഹൻ, കുമ്പിടി പരിസ്ഥിതി സംരക്ഷണ കൂട്ടായ്മ അംഗങ്ങളായ ഷബീർ തുറക്കൽ, അഭിലാഷ്, ഭാസ്കർ, സനൂജ് കുമ്പിടി, ബിജു, സിയാദ്, അതുൽ ഉമേഷ്, അമീർ, വിപിൻ എന്നിവർ പങ്കെടുത്തു.