അട്ടപ്പാടിയിൽ ആയിരത്തോളം ആദിവാസികൾ നിരക്ഷരർ

അഗളി: അട്ടപ്പാടിയിൽ ആയിരത്തോളം ആദിവാസികൾ ഇപ്പോഴും നിരക്ഷരർ എന്ന്​ മന്ത്രി കെ. രാധാകൃഷ്ണൻ. അഗളി കില സെന്‍ററിൽ വിവിധ വകുപ്പ് മേധാവികളുമായി നടത്തിയ ചർച്ചക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. സാക്ഷരത മിഷനുമായി ചേർന്ന് സാക്ഷരത പ്രവർത്തനങ്ങൾ ഊർജിതമാക്കും. ക്ഷേമ പ്രവർത്തനങ്ങൾക്ക്​ സന്നദ്ധ സംഘടനകൾ രാഷ്ട്രീയ പാർട്ടികൾ എന്നിവയുടെ സഹകരണം തേടും. ഗർഭിണികളുടെ ആരോഗ്യ സ്ഥിതി കൃത്യമായി പഠിക്കും.