തപാല്‍ വകുപ്പില്‍ ഇന്‍ഷുറന്‍സ് ഏജൻറ് നിയമനം

പാലക്കാട്: പാലക്കാട് പോസ്​റ്റല്‍ ഡിവിഷനില്‍ പോസ്​റ്റല്‍ ലൈഫ് ഇന്‍ഷുറന്‍സ്, ഗ്രാമീണ പോസ്​റ്റല്‍ ലൈഫ് ഇന്‍ഷുറന്‍സ് വിപണനത്തിനായി കമീഷന്‍ വ്യവസ്ഥയില്‍ 18നും 50നും ഇടയില്‍ പ്രായമുള്ള തൊഴില്‍രഹിതര്‍, സ്വയം തൊഴില്‍ ചെയ്യുന്ന യുവതീയുവാക്കള്‍ എന്നിവരെ ഡയറക്ടര്‍ ഏജൻറായി നിയമിക്കുന്നു. പത്താം ക്ലാസാണ് യോഗ്യത. കൂടാതെ പാലക്കാട് പോസ്​റ്റല്‍ ഡിവിഷന്‍ പരിധിയില്‍ സ്ഥിരതാമസക്കാരാകണം. മുന്‍ ഇന്‍ഷുറന്‍സ് ഏജൻറുമാര്‍, ആര്‍.ഡി ഏജൻറ്​, വിമുക്തഭടന്മാര്‍, കമ്പ്യൂട്ടര്‍ പരിജ്ഞാനം ഉള്ളവര്‍ എന്നിവർക്ക്​ മുന്‍ഗണന. നിലവില്‍ മറ്റേതെങ്കിലും ലൈഫ് ഇന്‍ഷുറന്‍സില്‍ പ്രവര്‍ത്തിക്കുന്നവരെ പരിഗണിക്കില്ല. തിരഞ്ഞെടുക്കപ്പെടുന്നവര്‍ 5000 രൂപയുടെ എന്‍.എസ്.സി/ കെ.വി.പി ആയി സെക്യൂരിറ്റി ഡെപ്പോസിറ്റ് കെട്ടി​െവക്കേണ്ടതാണ്. അപേക്ഷകര്‍ ബയോഡേറ്റ (മൊബൈല്‍ നമ്പര്‍ സഹിതം) ദ സീനിയര്‍ സൂപ്രണ്ട് ഓഫ് പോസ്​റ്റ്​ ഓഫിസ്, പാലക്കാട് ഡിവിഷന്‍, പാലക്കാട് -678001 വിലാസത്തില്‍ വയസ്സ്​, യോഗ്യത മുന്‍പരിചയം തെളിയിക്കുന്ന രേഖകള്‍ സഹിതം ഡിസംബര്‍ 31നകം അയക്കണം. ഫോണ്‍: 0491 2544740, 2545850.